AAP PAR DUROOD AUR SALAAM AY MERE IMAM


Baaqi ye nizaam-e-do sara

Baaqi ye nizaam-e-do sara hai ke nahin hai
Jab hai to koi vajhe bataa hai ke nahin hai

Ye chand ye suraj hain ziya paaye kahaan se
Zaubaar koi noor-e-Khuda hai ke nahin hai

Dekho to zara ghaur se har ghuncha-o-gul mein
Us jalwa-e-ghaayab ka pata hai ke nahin hai

Ghaayab pe aqeeda jo tu rakhta nahin ghaafil
Ghaayab hai Khuda bol Khuda hai ke nahin hai

Kyon kar na karein naama barhi shauq se maujein
Naam uska areeze pe likha hai ke nahin hai

Parde mein hai shamsheer bakaf waaris-e-Shabbir
Ay munkiron kuchh tumko pata hai ke nahin hai

Turbat mein ujaale ko agar aur nahin kuchh
Ashq-e-gham-e-Sarwar ka diya hai ke nahin hai

So-ney do jagaao na nakeerayn pukaare
Ye dekhlo bas khaak-e-shifa hai ke nahin hai

Ruq karke su-e-khabr-e-Ali kehta hai suraj
Maghrib ki taraf jaoon raza hai ke nahin hai

Jakrha hai yazeed aaj bhi laanat ki rasan mein
Anjaam buraai ka buraa hai ke nahin hai

2
Aa gaye Hasan, aa gaye Hasan

KHUSH HAIN FATEMA-O-MURTAZA, AA GAYE HASAN
DOSTON HAI ROZ EID KA AA GAYE HASAN

HAI HAR EK KO BAS EIK BAAT KI LAGAN
KAASH HUM BHI KAR SAKEIN ZIARAT-E-HASAN
AA RAHI HAI BAS YEHI SADAA AA GAYE HASAN

JISKO HAQ NEY ISMATON KA PEYSHWAAN KIYA
RIJS JISKEY PAAS BHI NA AANEY PAYEGA
WO SHAREEK-E-MEHFIL-E-KISA AA GAYE HASAN

WAQT HO GAYA AMIR-E-SHAAM KA TAMAM
AA GAYE HAIN AAJ MERA DUUSRA IMAM
HOGA AB QALAM SEY FAISLA AA GAYE HASAN

KHIZR KO KHABAR YEH KAR DE JAA KE AY SABAA
BAAB-E-ILM AAJ DUUSRA BHI KHUL GAYAA
POOCHH LE WO JO HAI PUUCHHNA AA GAYE HASAN

KHIL UTHI HAI GULSHAN-E-BATUL KI KALI
HAI HASAN KO GOUD MEIN LIYE HUWE ALI
KAR RAHE SHUKR KIBRIYA AA GAYE HASAN

FATEMA SE DO JAHAN KA RAAJ MAANG LO
MAANGNA HAI JO BHI TUM KO AAJ MAANG LO
JOSH MAIN HAI REHMAT-E-KHUDA AA GAYE HASAN
3

Aap par durood aur salaam ay mere Imam

AAP PAR DUROOD AUR SALAAM AY MERE IMAM
BAS YEHI SADAA HAI SUBHO SHAM AY MERE IMAM

AAP HI KE AASRE PEY JI RAHE HAIN HUM
AAP AAYENGE TO DUUR HONGE RANJ O GHAM
KAR RAHE HAIN ILTEJA GULAM AY MERE IMAM

KAR RAHE HAIN IS LIYE ZAHOOR KI DUA
HO HUMEIN BHI TERI DEED KA SHARAF ATAA
CHAAHE PHIR HO ZINDAGI TAMAM AY MERE IMAM

TERI RAAH DEKHNA FAREEZA HAI MERA
MANQABAT NAHIN HAI YE AREEZA HAI MERA
PARH RAHAA HUUN MAIN JO SUBHO SHAM AY MERE IMAM

KHANA-E-KHUDA KO QAID SE CHHUDHAAIYE
MAULA AAIYE AB AAIYE AB AAIYE
LEKE ZULFIQAR-E-BE NIAM AY MERE IMAM

AA RAHE HAIN AAP URH RAHI HAI YE KHABAR
SAAMARE KI SIMT HAI LAGI HUI NAZAR
SAJ RAHE HAIN RAASTE TAMAAM AY MERE IMAM

TERE NAAM KA HAI YEH BHI EK MAUJUZA
JIS NE SIRF DIL SE TERA NAAM LE LIYA
USKA BAN GAYA HAR EK KAAM AY MERE IMAM

IS LIYE TUMHARA INTEZAR HAI SHADEED
SAR UTHA RAHE HAIN PHIR SE WAQT KE YAZID
KAAM INKA KEEJIYE TAMAAM AY MERE IMAM

DEEN-E-MUSTAFA PE AB BHI TERA QARZ HAI
HUM TO KYA HAIN AMBIYA PE JABKE FARZ HAI
DO JAHAAN MEIN TERA EHTERAAM AY MERE IMAM

NE’MATEIN BHI MIR HASAN KE NAAM HOGAYI
TAKHT AUR SAHIYA GULAM HOGAYI
JAB SE WO HUWA TERA GULAM AY MERE IMAM

About these ads

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s