MUNAJAAT (WRITTEN BY MIRZA JAMAL)

MUNAJAAT

(WRITTEN BY MIRZA JAMAL)

ya Aliyo,  ya Aliyo,  ya Ali
ya Wasiyo, ya Wasiyo, Ya Wasi
hUl karo mushkil meri Maula Ali
ya Aliyo,  ya Aliyo,  ya Ali

hUl karo mushkil meri Maula Ali
ya Aliyo,  ya Aliyo,  ya Ali

shaan meiN aai tere Naade Ali
madha teiri, L’a Fata Illa Ali
sAb tumheiN kahte haiN Allah ka wali
kuch nahiN ismeiN gumaaN, Maula Ali

hUl karo mushkil meri Maula Ali
ya Aliyo,  ya Aliyo,  ya Ali

rUnj o gham meire haiN tumpar aashkaar
hAr ghaRi rahta hai dil yeh be_qaraar
jism’e khaaki, rooh par lagta hai baar
hooN naheef o naatawaaN Maula Ali

hUl karo mushkil meri Maula Ali
ya Aliyo,  ya Aliyo,  ya Ali

ho agar tUm meherbaaN, Shaahe Arab
ghurbat o iflaas hai phir be_sabab
kaam jo bigRe haiN woh bAn jaaeiN sAb
kya yahaaN, aur kya wahaaN, Maula Ali

hUl karo mushkil meri Maula Ali
ya Aliyo,  ya Aliyo,  ya Ali

aey Ali, Mushkil_kushaaey kaaeinaat
kauN de ab iss pareishaani meiN saath
kiske dAr par jaake phailaauN maiN haath
kis se maaNgooN maiN yahaN Maula Ali

hUl karo mushkil meri Maula Ali
ya Aliyo,  ya Aliyo,  ya Ali

Sayyeda ke Kafo, Ahmed ke wazeer
Shaah’e Jinn’o Ins, ShiyoN ke ameer
ho karam mujhpar, paey Rabb’e Qadeer
duur hon sAb sakhtiyaaN, Maula Ali

hUl karo mushkil meri Maula Ali
ya Aliyo,  ya Aliyo,  ya Ali

juzz tere kis se kahooN, main haal’e zaar
apne ShiyoN ke tUm hi ho ghAm gusaar
ho ataa mujhko bhi maula roazgaar
kyun phirooN dAr dAr yahaaN, maula Ali

hUl karo mushkil meri Maula Ali
ya Aliyo,  ya Aliyo,  ya Ali

de diye saael ko kitne hi shutar
tU agar Caahey tO zarra ho, qamar
bakhsh de mujhko bhi kuch laal o gohar
kya kami teire yahaaN, maula Ali

hUl karo mushkil meri Maula Ali
ya Aliyo,  ya Aliyo,  ya Ali

ya Ali, sUn lo duaaoN ko meri
bakhshwa dO tUm khataaoN ko meri
rUdd kara dO tUm sazaaoN ko meri
dO jahannam se amaaN Maula Ali

hUl karo mushkil meri Maula Ali
ya Aliyo,  ya Aliyo,  ya Ali

baab’e shah’re ilm, aey awwal Imaam
kAr mujhe apne ghulaamoN ka ghulaam
dil meiN ho teri mawaddat ko dawaam
paauN teira aastaaN, maula Ali

hUl karo mushkil meri Maula Ali
ya Aliyo,  ya Aliyo,  ya Ali

deen’e hAq pAr kufr ki yalghaar hai
duur manzil, raah na_hamwaar hai
almadad ab yeh safar dushwaar hai
aao meer’e kaarwaaN Maula Ali

hUl karo mushkil meri Maula Ali
ya Aliyo,  ya Aliyo,  ya Ali

kAb jahaN meiN unka zaahir hoga noor
momineeN haiN muntazar jinke, huzoor
baarhweiN Haadi ka kAb hoaga, zuhoor
kyuN hai parda darmiyaaN, maula Ali

hUl karo mushkil meri Maula Ali
ya Aliyo,  ya Aliyo,  ya Ali

aashkaara tUm pa sAb hai, meira haal
jab kabhi aata hai maazi ka khayaal
eik aah’e sArd bharta hai Jamal*
dil se uthTa hai dhuwaaN Maula Ali

hUl karo mushkil meri Maula Ali
ya Aliyo,  ya Aliyo,  ya Ali

———————————————————

mirzajamal@gmail.com