Nauha On Events By MArhoom Janab Syed Wirasat Ali Rizvi Saheb Fikr* Marhoom


Nauha On Events By MArhoom

Janab Syed Wirasat Ali Rizvi Saheb Fikr* Marhoom

(Please Recite Sura e fateha for Marhoom)

 

 

Janab Syed Wirasat Ali Rizvi Saheb Fikr* Marhoom

NAUHA Doosri Moharram

Doosri maah’e Moharram ki hai roaeiN momeneeN
Karbala mein aa chuke haiN maalike khuld’e BareeN

bast o hashtum ko Rajab ki jab chale Sultaane deeN
auur aamaada hui chalne pa beemaar o hazeeN

shAh ne farmaaya ke beemaari meiN kyuNkar saath looN
Fatima Sughra abhi kuch roaz tUm thahro yaheeN

jab kisi jaa par hamaara hoga aey beiti qayaam
bheij kar Akbar ko bulwa leiNge hUm tumko waheeN

shAh se Sughra ne kaha achcha agar jaat’e haiN aap
rahne deejey meire choate bhaai ko baaba yaheeN

jaan se apni ziyaada hai mujhe Asghar azeez
iski furqat meiN maiN mAr jaauNgi beemaar o hazeeN

baad isske goad meiN Sughra ne Asghar ko liya
aur kaha roakar sidhaareiN ab shAh’e dunya o deeN

jab bahot israar Asghar ke liye ShAh ne kiya
tab yeh baateiN yaas o hasrat se bhari Sughra ne keeN

khud se gar Asghar chala jaaey kisi ki goad meiN
to khushi se saath le jaaweiN Imam’e istaqeeN

sUn ke yeh phailaaey sAb ne haath Asghar ki taraf
par na utra goad se woh kaukab’e charkh’e bareeN

nizd’e Asghar usske baad aaey Hussain Ibne Ali
aur kaha yeh kaan meiN Asghar ke kyuN aey mah jabeeN

bakhshishe ummat ka kya tumko nahiN mutlaq khayaal
ab chalo Karbo bala ko najm’e Khatmul MursaleeN

sun ke yeh aawaaz ShAh ki goad meiN aaya woh tifl
algharaz raahi huEy waaN se sipeh saalaar’e deeN

woh safar hle Haram ka, aur woh bachchoN ka saath
dhoop ki hiddat, hawaaeiN garm aur tapti zameeN

raaste ki sakhtiyaaN saht’e huEy waarid huEy
doosri maah’e aza ko Karbala meiN ShAh’e DeeN

Fikr* ko ab Hind meiN rahna bahot dushwaar hai
apne rauz’e par bula lo ya Imaam’e MuttaqeeN

 

NAUHA Teesri Moharram

NAUHA Cauthi Moharram

NAUHA PaaNchviN Moharram

For all the events nauha Please Visit.CLICK

 

FOR LECTURES ON WAQEYA KARBALA EVENTWISE PLEASE VISIT>>

 

From Shahadat-e Moslem [Day 1] to Shame Ghariban  [Day 11]

 

http://alqaem.org/av.html

 

www.alqaem.org

(Visit for Nauha, Marsiya, Mir anees marsiya,How to recite Salat video, Ziarat, majalis Video and articles on current issues by Ulema and many more)

Syed Mohammad masoom

About these ads

1 Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s