Nauha written by Allama Qais Zangipuri

 

Marhoon Qais Zangipuri with family

Nauha written by Allama Qais Zangipuri

Aye Zuljana kya kia apne sawar ko…………
Khak pe hain bekafan godh ke paley huve……
Marte dam jin ko paani pilana na tha………

Khak pe hain bekafan godh ke paley huve
Rotey hain shahe zaman dil ko sambhale huve

Dasht me aae rasool khuld se zaaro malool
Maqtaley sarwar ki khak sar pe hain dale huve
Khak pe hain bekafan godh ke paley huve……

Sar se giri hai rida hosh nahin hai baja
Fathema Zahra ko aaj hooren sambhaley huve
Khak pe hain bekafan godh ke paley huve……

Aankhon me aansu bhare taktey hain gardun ko shah
Gardane besheer se teer nikaley huve
Khak pe hain bekafan godh ke paley huve……

Kahte the shahe umam pehley hi samjhe the ham
Khak pey todenge dam godh ke paley huve
Khak pe hain bekafan godh ke paley huve……

Shah ne Wasiyat ye ki zainabe nashaad se
Aaj se mere yateem tere hawale huve
Khak pe hain bekafan godh ke paley huve……

Muh se na nikle koee kalma bajus shukre haq
Roiyo hamko behen dil ko sambhale huve
Khak pe hain bekafan godh ke paley huve……

Hogi jo tum nauha gar Jayenge bache kidhar
Pyas ke mare huve nazon ke paley hove
Khak pe hain bekafan godh ke paley huve……

Kaun sakeena ko haye zulmo sitam se bachaye
Kushtaye teghe sitam chahne wale huve
Khak pe hain bekafan godh ke paley huve……

Ro ro ke muslim ke laal girte hain har har qadam
Kanton par kyun kar chaley nazon ke paley huve
Khak pe hain bekafan godh ke paley huve……

Kahtey they Abid ghareeb kya karun main gham naseeb
Dasht me aakar juda qafele wale huve
Khak pe hain bekafan godh ke paley huve……

Sun ke zameen par ye hai hooron me hai shoro shain
Qasre falak se baland Qais ke naley huve
————————————————-

Aye zuljana kya kia apne sawar ko
Dilbande Mustafa shahe gardun waqaar ko

Jab janta tha margaye sab khwaisho aqreba
Phir kis pe chod aya gharibudayaar ko
Aye zuljana kya kia apne sawar ko……..

Maqtal se daudta hua khali phira hai kyun
Wasvaas araha hai dile beqaraar ko
Aye zuljana kya kia apne sawar ko……..

Aye zuljana is tarhe aane ka fayda
Jab khariyat se leke na aaya sawaar ko
Aye zuljana kya kia apne sawar ko……..

Kyun sar jhukae sharm se rota hai zaar zaar
Kya khak par gira diya apne sawaar ko
Aye zuljana kya kia apne sawar ko……..

Kya hogaee yateem sakeena bala naseeb
Kyun ro raha hai dekh ke is dil figaar ko
Aye zuljana kya kia apne sawar ko……..

Jis manzile akheer ka bachpan se shaukh tha
Kya us jagha utara hai apne sawaar ko
Aye zuljana kya kia apne sawar ko……..

Aye Qais ahle shaam ne andhera kar diya
Gul kar diya nabi ke charaghe mazaar ko
Aye zuljana kya kia apne sawar ko……..
—————————————————

Marte dam jin ko paani pilaa na tha
Unko ghar se munasib bulana na tha

Kyun na shah rotey hare k se mil kar galey
Phir palat kar madiney me aana na tha
Marte dam jin ko paani pilana na tha……

Jis se sajjad ka khun tapakta na ho
Haye aisa koi taziyana na tha
Marte dam jin ko paani pilana na tha……

Sans bhi le na sakte they ahle haram
Qabr zindon ki thi qaidkhana na tha
Marte dam jin ko paani pilana na tha……

Shamiyo kalmagoh jis payambar ke ho
Uske ghar ka munasib jalana na tha
Marte dam jin ko paani pilana na tha……

Zibha sayyad ko tashna dahan kyun kiya
Jurm pyase ko paani pilana na tha
Marte dam jin ko paani pilana na tha……

Lashe sarwar ko sajjad dete kafan
Is qadar bhi maqafiq zamana na tha
Marte dam jin ko paani pilana na tha……

Kaun ghurbat me shabbir ko poochta
Wo rasoole khuda ka zamana na tha
Marte dam jin ko paani pilana na tha……

Bano chillae asghar ka sar dekh kar
Tere marne ka beta zamana na tha
Marte dam jin ko paani pilana na tha……

Tu lahad se meri jaan nikala gaya
Tera zere zameen bhi thikana na tha
Marte dam jin ko paani pilana na tha……

Dar ba dar koofiyon ne phiraya jisey
Kya rasoole khuda ka zamana na tha
Marte dam jin ko paani pilana na tha……

Qais ki shafa’at na karte nabi
Juz jahannam phir uska thikana na tha
Marte dam jin ko paani pilana na tha……
Unko ghar se munasib bulana na tha……

Visit to read All about zangipiur

Zangipur Daswaan

Second generation of Marhoom Qais Zangipuri

Moulana Yousha Faizi Night Hyderabad

Maulana Farqalita Ali husaini

QASEEDA- By Molana Syed Farqaleetha Ali Husaini Zangipuri

Third Generation of Marhoom Qais Zangipuri

Fourth Generation of Allama qais zangipuri

Qasid Abbas Hussaini son of Moulana Farqalita Husaini has left to Iran to pursue higher studies in Islamic theology. At the age of 19 he has lot of energy and enthusiasm to serve deen e Islam.He is a voracious reader and a very hardworking student. Lets pray for his success under the aegis of Ahle bayt(a.s).

Qaseeda By marhoom qais Zangipuri

Hujjat se yeh duniya qayam hai Qayam

Few other moments of the family who serve islam and ahlulbayt.

Nauha By Syed tusi s/o maulana yousha faizi

Bangalore Ashura Zanjir presented by Nazan s/ Maulana yousha faizi Zangipuri

Moulana Yousha Faizi Night Hyderabad

Moulana Yousha Faizi Night Hyderabad

(PLease Pray for his health and long Life)
http://www.alqaim.info/unity/wp-content/uploads/2007/11/yousha.jpg
On this night Moulana Yousha Faizi Zangipuri recited ashaar(Poetry) written by him which went on till almost fajr time.
In one picture he is welcomed with rose petals being showered on him all along the way.
In another pic he is seen with Allama Akhtar Zaidi sb Qibla popularly known as Aftabe dakan.

 

Special Thanks to all the momineen of Hyderabad for all their respect and duas from the family of Moulana Yousha Faizi.

http://www.alqaim.info/unity/wp-content/uploads/2007/11/abba_award.JPG

http://www.alqaim.info/unity/wp-content/uploads/2007/11/abba_akhtar_zaidi_sb.JPG

http://www.alqaim.info/unity/wp-content/uploads/2007/11/abba_welcome.JPG
With Thanks to My Brother Nazaan

 

nazaan.jpg

 

A man who is friend of everyone.

Hujjat se yeh duniya qayam hai Qayam

QASEEDA- By Molana Syed Farqaleetha Ali Husaini Zangipuri

Syed Mohammad Masoom Abidi

QASEEDA- By Molana Syed Farqaleetha Ali Husaini Zangipuri

Just Remembering my Old Days and would like to share qaseeda By my most dearest person……

QASEEDA- By Molana Syed Farqaleetha Ali Husaini Zangipuri

QASEEDA- DHOOP

 

By Molana Syed Farqaleetha Ali Husaini Zangipuri

Subho huwi suraj ne nikal kar charo taraf phelaayi dhoop
Pehle Ali ki chokhat chumi phir kaabe per aayi dhoop

Bughz-e-Ali mein jalne wale aur bhi jalthe jathe the
Magrib se jab suraj palta aur saro per chaayi dhoop

Nusrath-e- haq ke josh mein aakar jab maidan main aaye habeeb
Ek boodhe ki jism ki garmi dekh ke khud ghabrayi dhoop

Hindu hai na muslim hai na sikh hai na esaayi dhoop
Moula ka aashiq hai suraj asl mein hai moulayi dhoop

Saalgira hai dhoop ki yaron ghaur se dekho suwe haram
Aayi jidar-e-kaba per phir noor simatne aayi dhoop

Pyaas ki shiddath looh ki hiddath bachchon ke murjhaye chehre Karbobala ke ban mein aakar har lamha pashthayi dhoop

Dhoop ki jab hothi hai shiddath phool har ek murjhatha hai
Shah-e- zaman ka phool jab aaya sharm se khud murjhayi dhoop

Hukm-e- Ali hi hukm-e-khuda hai duniya ne ye jaan liya
Mujko bathao hukm se kiske jaake dobara aayi dhoop

 

 

QASEEDA
Gham-e-hussain na ho tho khushi nahi hoti

 

By Molana syed farqaleetha ali hussaini zangipuri

Lahoo mein jinke wila-e- Ali nahi hoti
Hamari unse kabhi dosti nahi hoti

Ye bath hazrath-e-waiz ko kaun samjaye
Ye maikada hai yahan dillagi nahi hoti

Tujhe namaz mein bhi shak pe shak hai ye waiz
Yahan nashe mein bhi ghaflath kabhi nahi hoti

Yeh raaz teri samaj mein naa aa saka ab tak
Baghair hubbe Ali bandagi nahi hoti

Bohoth buland hai meyyaar-e- ashiqan-e-Ali
Hamari bath giri aur padi nahi hoti

Zaroor kehtha mein jannath ko lajawab “ANEEQ”
Agar nazar mein najaf ki gali nahi hoti

Yeh bath zikr-e-Ali per faqath nahi mauqoof
Munafiqon pe kabhi taazgi nahi hoti

Agar naa aatha dar-e-fathema ke bosey ko
Kabhi sithaaron mein taa bandagi nahi hoti

Na jaane kyu mujhe aksar khayal aatha hai
Meri nuseri se kyu dushmani nahi hoti

Yeh poochthe hai farishthon se dushmana ne Ali
Hamari qabr mein kyun roshni nahi hoti

Kaha farishthon ne bughz-e-Ali andhera hai
Andhere mein kabhi taabandagi nahi hoti

Yeh bath apne hi sheron se hogayi maloom
Baghair luthfe khuda shayeri nahi hoti

Kisi bhi mulk mein jaaye kisi dayaar main hum
Gham-e- hussain naa ho tho kushi nahi hoti.

 Qaseeda By Marhoom Qais Zangipuri

Hujjat se yeh duniya qayam hai Qayam

Moulana Yousha Faizi Night Hyderabad

 Iltemaas e dua

Syed Mohammad Masoom Abidi