Haq Ali Ali Maula Ali Ali Saem Chishti

When the Dawn of the Night of Ascension broke
The people saw the resplendent visage of the Prophet Muhammad
On being requested by his followers to reveal what ‘he said in the heavens
The pearls of wisdom flowed from his handsome lips
“Unusual stature of Ali I encountered there
“His name was resounding wherever I went
“I saw him everywhere I went.”

Haq Ali Ali Maula Ali Ali

Saem Chishti

Ali Imam Manasto Manam Ghulam E Ali
Hazaar Jaan E Girami Fida E Naam E Ali

Haiderium Qalndaram Mastam
Banda-E-Murtaza Ali Haastam
Paishwa-E-Tamaam Rinda Nam
Ke Sagay Koo E Shair E Yazdanam

Kabhi Deewar Hilti Hai, Kabhi Dar Kaanp Jata Hai
Ali Ka Naam Sun Ker Ub Bhi Khaiber Kaanp Jata Hai

Shah E Mardaan E Ali

Kab Kisi Benawa Say Kehta Hoon
Sub Ke Haajat Rawa Say Kehta Hoon
Baat Shair-E-Khuda Say Kehta Hoon
Door Ho Ja Nazar Say Ey Mushkil
Warna Mushkil Kusha Say Kehta Hoon

Q K Woh Hein Mere Ali Ali
Ali Maula Ali, Ali Maula Ali

Tan Per Ali Ali Ho Zubaan Per Ali Ali
Mar Jaoon To Kafan Pe Bhi Likhna Ali Ali

Baghair Hubb-E-Ali Mud’daa-A Nahi Milta
Ibadaton Ka Bhi Hargiz Sila Nahi Milta
Khuda Ke Bando Suno Ghour Say Khuda Ki Qasam
Jisay Ali Nahi Miltay Usay Khuda Nahi Milta

Basak Talash Na Ab Kuch Wus’at-E-Nazar Se Milaa
Nishaan E Manzil E Maqsood Raahbar Se Milaa
Ali Mile To Mile Khaana-E-Khuda Sa Hamein
Khuda Ko Dhonda To Wo Bhi Ali Ke Ghar Se Milaa

Khuloos E Dil Say Ali Ka Jo Naam Laita Hai
Wohi To Lazzat Umr-E-Tamaam Laita Hai
Khuda Ke Bando Suno Ghour Say Khuda Ki Qasam
Ali Ka Naam To Girton Ka Thaam Laita Hai

Paighambari Ke Chaand Ka Hala Ali Ali
Baatil Ki Teergi Ka Ujala Ali Ali
Paigham-E-Kirtigar Ka Jouhar Ali Ali
Imaan Ke Sadakh Ka Hai Kauhar Ali Ali

Ustaad-E-Jibrael-E-Mukaraam Ali Ali
Maula-E-Kainaat Moazzam Ali Ali
Sirdaar-E-Ambiya Ka Tabassum Ali Ali
Chashm-E-Junoon-E-Afzal-O-Akram Ali Ali

Ibadatoon Ka Jo Unwaan Hai To Zikr-E-Ali
Kamaal-E-Markaz E Eeman Hai To Zikar-E-Ali
Sukoon-E-Qalb Ka Saaman Dhoondne Walo
Sukoon-E-Qalb Ka Saaman Hai To Zikar-E-Ali

Mojod-E-Kaaba Deen Mukammal Ali Ali
Paighambari Ka Shahid-E-Awwal Ali Ali
Vird-E-Zubaan Ehl-E-Zamana Ali Ali
Yakta-E-Roozgaar Yagana Ali Ali
Altaf-E-Bebadal Ka Khazana Ali Ali
Insaan Ki Azmatoon Ka Tarana Ali Ali

Nazar Haqeeqat Shaanas Paayi To Kia Kahoon Kis Ada Ko Daikha
Her Aik Zarray Mein Jalwa Farmaa Mohammad-O-Murtaza Ko Daikha
Qasam Khuda Ki Ali Nabi Say, Nabi Ali Say Juda Nahi Hai
Ali Ko Daikha, Nabi Ko Daikha, Nabi Ko Daikha, Khuda Ko Daikha

Sahar Hoi Shab E Mairaaj Ki To Logo Ne
Jamaal-E-Pak Rukh-E-Sayyad-Ul-Bashar Daikha
Kaha Ghulamo Ne Hum Se Bhi Kijiyeh Irshaad
Jo Kuch Huzoor Ne Yasha-A Arsh Per Daikha

To Harfashaa Hue Lale Labe Rasool E Kareem
Ajeeb Martaba Haider Ka Arsh Per Daikha
Wali Wali Ki Sada Thi Jahan Jahan Pohche
Ali Ali Nazar Aye Jidhar Jidhar Daikha

Jin Ki Mehfil Hai Woh Mehfil Mein Zaroor Aate Hein
Aao Sub Ker Lo Deed Haider Ki
Sub Ker Lo Deed Haider Ki
Aaa Sub Ker Lo Deed Haider Ki

Nigaah E Raah Mein Bicha Do K Aap Aye Hein
Diloon Ko Farsh Bana Do K Aap Aaye Hein
Sub Ker Lo Deed Haider Ki
Sub Ker Lo Deed Haider Ki

Deed Haider Ki Ibadat Hai Yeh Farmaan E Nabi
Hai Ali Rooh E Nabi Jism E Nabi Jaan E Nabi
Gul-E-Tatheer Ali, Haq Ki Shamsheer Ali
Peeron Ke Peer Ali Ali

dono aalam ke hein waliyon pe waliat un ki
sari dunya ke imamon pe immamat unki
husn e taqdeer ali nabi ke wazeer wali
haq ki tasverr ali alii

ghareebon da zamane vich sahara hai ali maula
mohammad jiss da maula us da maula hai ali maula

un ki Saem hai walidat ki jagah harm-e-kaaba
aankh kholi to chehra e mohammad dekha
noor e tanveer ali, badr e muneer ali
malik e taqdeer alii alii

dast e ilaah kiyoon na ho sher e khuda ali
maqsood her ataa hai shah e la fata ali
jiss tarah hai aik zaat e mohammad hai bemisaal
paida howa na hoga koi dosra ali ali

Her Ik Wali K Dil Ki Sada Hai Ali Ali
Khuld E Bari Ki Aab-O-Hawa Hai Ali Ali
Jo Aaye Haq Ka Raahnuma Hai Ali Ali
Mahboob-E-Mustafa Khuda Hai Ali Ali

Shah E Mardaan E Ali
La Fata Illa Ali
Shair E Yazdaan Ali Ali
Haq Ali Ali Maula Ali Ali

TULOOEY FIKR ” JOSH* MALIHABADI

” TULOOEY FIKR ”

JOSH* MALIHABADI

——————————-
ISS MUSADDAS MEIN 110 BaND HAIN,
YAHAN SIRF 36 BaND PEISH KAR RAHA HOON:
——————————-

jab cheHraey ufaq se uthi surmaii naqaab
kaaNpey nujoom, zard hua rooEy maahtaab
khankEy falak ke jaam, khulEy surkhiyoN ke baab
uRnEy laga abeer, barasnEy lagi sharaab

rangoN ki aab o taab churaanEy lagi faza
aahestagi se hosh meiN aanEy lagi faza

naukhaastah fazaaoN meiN ek tarfa peish o pAs
bajta hua nadi meiN mulaaem nawa jaras
khulti hui zameeN ki kamaani bahar nafas
shabnam ke aab o rAng meiN pichlEy pahar ka rAs

gul chehra paTTiyoN pa nageenEy jaREy huEy
goash e chaman meiN oas ke bUndEy paREy huEy

suuEy ufaq baRhi jo thithakti hui ziya
doasheezaEy faza ki masaknEy lagi qaba
aahestagi se meHre tunak zAo ubhar chala
bajnEy laga khayaal meiN soanEy ka daaeira

barsa gulaal zeHn pa, kundan khayaal par
naubat baji manaaraEy zauq e khayaal par

baRhney laga shikoAh se phir kundani tabaq
rah rah ke karwateiN si badalnEy lagi shafaq
khulnEy laga fazaaEy khunak par nishaanEy haq
gardooN, kitaab e zAr ke ulatnEy laga waraq

moti girEy zameen pa, shaakheiN lachak gaiiN
boasEy liye saba ne to kalyaaN chatak gaiiN

phooti kiran, zameeN ki ghutan duur ho gai
shabnam ki booNd booNd khum e noor ho gai
duniya tamaam jalwagahEy tuur ho gai
hAr paNkhaRi jawaan hui huur ho gai

taabish, nawEid e sharAh, paEy sadr ho gai
goya jahaaN meiN subhEy shabEy qadr ho gai

thandi hawa diloN ko jagati hui chali
pichlEy paher ke geet sunaati hui chali
hAr khwabgaahEy naaz meiN gaati hui chali
mukhRoN pa kakuloN ko hilaati hui chali

duudEy charaagh e kushta ki zulfeiN bikhar gaiiN
ghurfEy hiley bhavoN ki kamaanEiN utar gaiiN

aNgRaaiyaaN jo aaiiN to aaNkheiN jhalak gaiiN
rAg rAg meiN walwaloN ki kamaaneiN kaRak gaiiN
rukhsaar par shabaab ki kalyaaN chatak gaiiN
jo chooRiaN khamosh paRi theeN khanak gaiiN

mobaaf meiN aseer shabEy taar ho gai
juuRa baNdha to subho namudaar ho gai

maujEy naseem, taan uRaati hui chali
murghaanEy khush nawa ko jagaati hui chali
patli kamar ka loach dikhaati hui chali
zarreiN chaRa kaRey se bajaati hui chali

karwat faza pa lee chamanEy roazgaar ne
gul haNs paREy, naqaab ulat di bahaar ne

thitki, muRi, rawaana hui noor ki sipaah
damkEy kalas, uthaai dar o baam ne nigaah
maathEy pa aasmaan ke kaj ho gai kulaah
rakh li faza ne surkh shalukEy meiN qurs’e maah

sabzEy ki rooh mast hui, jhoomnEy lagi
shabnam ke motiyoN ko kiran choomnEy lagi

chalnEy lagiN hawaaeiN, chaheknEy lagEy tuyuur
rangiN bulandiyo pa phuNka walwaloN ka suur
zarraat ki jabiN se ubalnEy laga suruur
pAr phaRphaRaaEy, jaag utha khaak ka ghuruur

jhoNkoN ne hausloN ko chaRhaya jo saan par
uRnEy laga zameeN ka tabaq aasmaan par

ubtan hawa ki mauj pa gulzaar ne mala
kangna kalaai mein jo bandha, khil gai faza
kunjoN ko dhoop chaoN ka joaRa ata hua
baddhi paRi galEy meiN to gulzaar jhoom utha

utra gulab o qand, jamaad o nabaat par
sehra bandha jabeen’e uroosEy hayaat par

surkhi baRhi fazaaoN pa, taabindagi ke saath
taabindagi, jamaal ki rakhshindagi ke saath
rakhshindagi, shamim ki baafindagi ke saath
baafindagi, rabaab o dAf’e zindagi ke saath

aur zindagi, tasawwurEy mutlaq liye huEy
anfaas meiN kharoash’e anal-haq liye huEy

yuuNhiN faraaz’e rooh pa ubhra ek aaftaab
deeN ka nishaaN, khirad ka alam, aagahi ka baab
haq saaz o haq nawaaz o haq aawaaz o haq ma’ab
maqsood e arsh, mooris e aflaak, Buturaab

irfaan’e zindagi ka alam kholta hua
bAnd’e qabaaey laoho qalam kholta hua

paida hua surood e azal salsabeel meiN
utri shua’a, seenaEy fikr’e jameel meiN
raushan huEy charaagh dayaar’e khaleel meiN
juNmbish hui dobara pAr’e Jibraeel meiN

channEy lagi shua’a, tafakkur ke baab se
phooti kiran, jabeen’e Risaalat ma’ab(SAW) se

nikhra adab, khayaal ko haasil hui zabaaN
damki jabeen’e harf pa ma’ani ki kahkashaaN
chalkeeN sharaab’e naghmaEy haq ki gulaabiyaaN
daao deyEt ne peish kiya taaj e zar fishaaN

Yousuf baRhey jamaal e feraawaaN liye huEy
paryaaN dAr aaiN, takht e SuleimaaN liye huEy

lafzon ki mauj’e rAng meiN ghaltaaN huEy gohar
lahjEy ki aab e juu, mein chali kashtiye qamar
noak’e qalam se ilm ki, taalEy hui sahar
aur phir sahar ki choot paRi Zulfeqaar par

baalaaEy Zulfeqaar, alam jgmaga utha
aur zau-fishaaN alam pa qalam jagmaga utha

ghoomi kaleed’e fazl, khula qufl’e faiz’e aam
naagaah aasmaan pa gooNja, zameeN ka naam
gardish meiN aaEy, naaraEy Sall’e Ala ke jaam
paRhtEy huEy durood, baRhEy Ambiya(A.S.) tamaam

Kaab’e ke gird eik kiran ghoomnEy lagi
rooh’e Mohammed’e Arabi(SAW) jhoomnEy lagi

“haaN shamm’e zaat, khaimaEy alfaaz mein jala”
“lailaaEy haq ko mahmilEy taqreer meiN bitha”
“goash’e bashar ko chashm e haqeeqat nigar bana”
“kaanoN se loag deikh sakeiN jalwaEy khuda”

“teir’e bayaaN pa ghulghula utthEy durood ka”
“yuuN peish kar suboot Khuda ke wujood ka”

“duniya ko tu bataaeiga yeh nuktaEy jameel”
“yaani azal se eik tawaanaaiye jaleel”
“jis ki koi nazeer, na jiska koi adeel”
“iss kaargaahEy waqt’e gureizaaN ki hai kafeel”

“azlaal o injezaab, na woh inke’aas hai”
“duniya se duur hai, na woh duniya ke paas hai”

“insaan ke mizaaj ki ussmeiN nahin hai boo”
“woh kuch nahin hai, kuch bhi nahiN hai, siwaa’e hoo”
“woh shaahEy narm taba, na sultaan’e tunDkhoo”
“woh dil nawaaz dost, na himmat shikan adoo”

“woh paaEy baNd’e rasm’e wafaa o jafa nahiN”
“jazbaat jis pa tooT paREiN, woh Khuda nahiN”

“aabEy makaaN, imaam’e zamaaN, aaya’e mubeeN”
“kanzEy uloom kashifey sar, kaabaEy yaqeeN”
“qaazi’e daHr, qiblaEy dauraaN, qiwaam’e deeN”
“manshaaEy asr, maaniye kunn, meer’e aalameeN”

“taabindagiye turraEy tarfEy kulaah’e ilm”
“maulaaEy jaaN, rasool’e tamaddun, ilaah’e ilm”

“aawaaz’e jaaN-nawaaz,tarannum, jahaN faroaz”
“teiwar, tamaam saaz, takallum, tamaam souz”
“daanish, mahEy do- hafta, nazar, meHr’e neem roaz”
“taqreer, fahem baaf, khamoshi, khayaal doaz”

“tujh se jo aashna hai, woh jauhar shinaas hai”
“teiri zabaan, zehnEy bashar ka libaas hai”

“jalwat mein baadshaah hai, khilwat mein too faqir”
“jangaah meiN jawaan, hareem’e khirad meiN peer”
“dasht’e wegha mein tabl, adab gaah mein sareer”
“maidaan mein hadeed, maqaalaat mein hareer”

“sau moajezon ka itr hai, teiri hayaat meiN”
“azdaad kis qadar haiN teri eik zaat meiN”

kaabEy se aaftaab’e imaamat ayaaN hua
hallaal’e mushkilaat’e risaalat ayaan hua
meer’e nizaam’e shamsiye qudrat ayaaN hua
daaraaEy kaarobaar’e mashiyat ayaan hua

khallaaqiyat ka zauq saR-afraaz ho gaya
ek daur’e ilm o fikr ka aaghaaz ho gaya

mehraab e tiragi jo hui raushni se shaq
salmaaEy zindagi ne uthaaya rabaab’e haq
khud se kitaab e ilm ke khulnEy lagEy waraq
nikla hareem e harf se har maaniye adaq

daur e khizaaN, chaman se, ba-farmaan e gul gaya
ek maktab e jadeed ka darwaaza khul gaya

salmaaEy rozgaar ko, zarriN qaba mili
insaaniyat ko, daulat’e sadd irteqa mili
haNstEy huEy qadar ke galEy se qazaa mili
aaghosh meiN Rasool ko apni dua mili

jaisEy hi nisf noor mila, nisf noor se
apnEy ko kirdegaar ne deikha ghuroor se

mimbar par aaftaab’e takallum ayaaN hua
mauj’e maEy Ghadeer liye, khum ayaan hua
daryaaEy marhamat meiN talaatum ayaaN hua
insaaf ke laboN pa tabassum ayaaN hua

daali nigaah fakhr se, duniya ne deen par
Quraan, aasmaan se utra zameen par

asraarEy kaaeinaat, ulatnEy lag’e naqaab
taabeer ke hudood meiN aaEy, zamin ke khwaab
maan’a se ru-shanaas hua, harf’e khaak o aab
aiwaanEy roazgaar mein yuuN aaEy Buturaab

jaisEy durood’e shab-namEy taabinda phool par
goya nuzool e wahi, butoonEy Rasool par

ehsaasEy indefa’a ko tabl o alam mila
qirtaas’e be-sawaad ko zarriN qalam mila
zulfEy tasawwuraat e uluhi ko kham mila
Allah ko suboot, Nabi ko hasham mila

faiz e sukhan se deen ki takmeel ho gai
ijmaal e zul-jalaal ki tafseel ho gai

taabaaN huEy uloom, durakhshaaN huEy uqool
raushan hua zameen’e tadabbur ka arz o Tool
ma’aquliyat ke sAr ko mila afsarEy qubool
shaaesta zindagi ke murattab huEy usool

jo barqEy tuur’e fikr hai, woh noor mil gaya
duniyaaEy be-nizaam ko, dastoor mil gaya

mehraab’e haq mein rooh’e khitabat hui ayaaN
jhoomiN saron pa rushd o hidaayat ki badliyaaN
utthi nigaah, kham huEy abroo, khuli zabaaN
dauREy hawa pa teer, lachaknEy lagi kamaaN

nikli jo muNh se baat, dilon mein utar gai
zehnEy gureiz’e pa ki sawaari thahar gai

nikhrEy zameer, zehn ko haasil hua suroor
aiwaanEy jaaN ke taaq meiN chamka, charaagh’e toor
alfaaz’e aasmaaN ke munawwar huEy qusoor
Quraan ke huroof mein daakhil hua shaoor

zauq e sukhan ko quuwat’e eijaaz mil gai
takhaylEy kirdegaar ko aawaaz mil gai

bahrEy salaam, lailaEy arz o samaan uthi
deikha rukhEy qubool, taRap kar dua uthi
chatkiN fazaaeiN, neeNd se thandi hawa uthi
qiblEy se jhoomti hui kaali ghata uthi

kya rUt ba- faizEy qiblaEy haajaat aa gai
saaqi! khuda ka shukr, ke barsaat aa gai

saaqi! datii hui hai kharaabaatiyon ki sAff
phaila hua hai abr’e goharbaar hAr taraff
boatal ka kaag khoal, utha kaif baaradaf
laa baadaEy Madeena wa paimaanaey Najaf

tatheer ki rida hai falak par tani hui
dEy, daamanEy rasool’e Khuda(SAW) ki chani hui

meena ke sAr pa deikh, wo miNmbar ayaaN hua
miNmbar pa noor, saaqiye kausar ayaaN hua
kaaNpa araz, hawaaon pa jauhar ayaan hua
wo aaftaab’e tal’atey Haider ayaan hua

paRne laga faza pa woh partau Butool ka
uRnEy laga falak pa wo daaman Rasool ka

le, woh Najaf ki simt se aan’e lagi sadaa
aEy Josh’e* nukta sanj meri anjuman mein aa
aa, aur jhoom jhoom ke naghmaat’e nau sunaa
saaqi! mera salaam’e adab lEy ke main chala

maulaaey kaaenaat, aur aawaaz de mujhey
aey Jibraeel! quuwatEy parwaaz de mujhey

——————————-

Aaj Bombay meiN Rajab ki 8 taareekh hai,
13, Rajab – Hazrat Ali Ibne Abi Taalib A.S.
ka yaum e paidaaesh hai, usi ki munaasebat
se Josh* ke musaddas ke 36 bAnd peish kiye haiN.

MIRZA JAMAL

SERMON OF IMAM ALI (as)

SERMON OF IMAM ALI (as)
NAHJUL BALAGHA

Naad-e- Ali Ka wird jo kertee chalee gayee
umre rawan sukuoon say guzertee chalee gayee

jis nay ser-e-Hussain pey ser ko jhuka diya
Woh shekhsiyet jahan may ubhertee chalee gayeee

maydan may taigh desht may teagh-e-Ali na pooch
ser say chalee badan may utertee chalee gayee

fouj-e-udu pay daal kay aik ser seri nigaah
ser ko uratee ser say guzertee chalee gayee

katey kahin galay kahin kholay badan may chaak
lakhon ********** ketertee chalee gayee

deewana waar loug bhi martay chalay gaye
taigh e Ali jidher say guzartee chali gaye

duniya may zikr-e-Al-e-Muhammad na ruk saka
duniya yeh arzoo liyay mertee chalee gayee

maot aaarehi thee dekha jo leb per Ali ka naam
mujh say milay begher guzertee chalee gayee

merhab hawa may uchla jo kah ker Ali kee zerb
haton say taegh peyron say dhertee chalee gayee

gohar~ lahad may puhncha jo ashk-e-aza liyay
Aik roshni lahad may utertee chalee gayee

Written by gohar jarchvi

SERMON OF IMAM ALI (as)

SERMON OF IMAM ALI (as)
NAHJUL BALAGHA

Naad-e- Ali Ka wird jo kertee chalee gayee
umre rawan sukuoon say guzertee chalee gayee

jis nay ser-e-Hussain pey ser ko jhuka diya
Woh shekhsiyet jahan may ubhertee chalee gayeee

maydan may taigh desht may teagh-e-Ali na pooch
ser say chalee badan may utertee chalee gayee

fouj-e-udu pay daal kay aik ser seri nigaah
ser ko uratee ser say guzertee chalee gayee

katey kahin galay kahin kholay badan may chaak
lakhon ********** ketertee chalee gayee

deewana waar loug bhi martay chalay gaye
taigh e Ali jidher say guzartee chali gaye

duniya may zikr-e-Al-e-Muhammad na ruk saka
duniya yeh arzoo liyay mertee chalee gayee

maot aaarehi thee dekha jo leb per Ali ka naam
mujh say milay begher guzertee chalee gayee

merhab hawa may uchla jo kah ker Ali kee zerb
haton say taegh peyron say dhertee chalee gayee

gohar~ lahad may puhncha jo ashk-e-aza liyay
Aik roshni lahad may utertee chalee gayee

Written by gohar jarchvi

Moula Ali Ki Shan Main Likhne Walo collection

As-Salam-o-Alaikum
Dear members Wiladat e maula Mushkil kusha Ali(a.s) kae mauqae pae aaj dil chaha ki apnae hee alag alag groups aur forums main bejae gayae muhabbat e maula Ali(a.s) main hamarae members nae waqtan bewaqtan kush ashaar bejae hain, Aaaj un sabhee ko collect ker kae bhej reha hoon yaqeenan aap bhee lutf uthaeingae aur sawaab paeingae.

“Moula Ali Ki Shan Main Likhne Walo
Apne Her Lafaz Ko Anmol Samjhoo
Ataa Hoti Hai Yeh Dar_E_Zehra Se
Apni Her Tehreer Ko Maqbool Samjhoo”
Iltemme e dua
Syed Mohammad Masoom Abidi

———————-

jo jaanta hi nahin ishq e MURTAZA ki hai
phir aisay shaks ke jeenay se faida kia hai

jisay nabi ne pukara tha apni mushkil mein
usay jo hum, bhi pukaaray to phir bura kia hai

zuban e meesam e tammar hi bataye gi
sharaab e midhat e haider ka zaaiqa kia hai

kaha khuda ne namazo ki baat jab aayee
baghair ishq e ALI ho to faida kia hai

meri lahad peh ALI se kaha farishton ne
yeh aap ka hai to phir is se poochna kia hai

——————————————-

Hay shauq dil meiN manqabat- e Bu-Turab ka
Alfaaz magar rakhtay nahi quwwat-e-wafa
Taab-e- ramak-e Ilm-e- Ali(as) rakhtay nahi haiN
Seena hua hai shaq tabhi har aik chah ka

munkir e haider ko tab tak maza aata nahin
jab talak mein na karloon khul ke maula ki sana
jab talak keh who maar tehzeeb ki khaata nahin
bazm e maula mein mujhay lutf e sukhn aata nahin

zaib deta hai zaat e yazdaan ko faqat
keh dia haq ne ALI hain mohtram baad e nabi
ehl e nakhwat ki samajh mein yeh magar aata nahin
feham mein teray magar yeh qaul e haq aata nahin

batan e maadar mein bhi thay mushkil kusha meray imam
haq ka ho dastoor jis ki mominiyat ka chashm
martaba likin yeh kisi “haasid” ko bhaata nahin
jaabiro se maat kabhi who momin khaata nahin

jis ka haider naam ho,who naam rakhnay se faqat
sath haider ke ho haideriat bhi to phir
aik saraapa haideri saanchay mein dhal jaata nahin
who kisi marhab ,kisi antar se ghabrata nahin

ibne muljim saamnay aakar kahin karta jo waar
inkisaari mein hain panhaan kamrani ke romoz
khud moarrikh bhi yeh kehta hai sambhal pata nahin
dhiyaan se yeh meray farmaan e ALI jaata nahin

shahaan e jahan sab hain gada e haider
hai abr e karam dast e sakhaaye haider
yaqoob o khalel o yusaf o adam o nooh
sab ki mushkil mein kaam aaye haider

Yeh joodo sakha haatim e taaye mein nahin
misl in ke koi uqda kushai mein nahin
maabood ke hain abd, nuseri ke khuda
banda koi haider sa khudai meain nahin

ALI ki manzilat kuch poochiyein salman o bozar se
Ali ko pehchana,to in dono ne pehchana
ALI ki dosti aur dushmani mein farq hai itna
Who dozakh ki sanad hai,aur yeh jannat ka parwaana

Aalam e islam mein kaaba hi qibla hi faqat
Aur is ghar mein ALI,molood e kaba hai faqat
Jo mila hai Allah k ghar se who aala hai faqat
Who nabi k baad momin ka sahaara hai faqat
Azmat ibne abu talib ko samjhay to jahan
Hon khuda k ghar mein paida aik ishaaara hai faqat
Aasmaan se jab chala anjum to is ko tha yaqeen
Dar e ALI ka qaabil e taazeem o sijda hai faqat
Jang e khandaq ho,ya Khyber,ya keh ho jang e badar
Saaray gazwon mein ALI ka naam aula hai faqat
Senkrron maaray gaye haider k haathon se magar
Hum wazan do lakht marhab ka janaza hai faqat
Who ALI jo hai wali bhi aur wasiye Mustafa
Is ko hi mushkil kusha keh kar pukaara hai faqat

ALI KI BAZM KA KUCH AISE AETEMAM KARE
FARISHTE AAKE ZAMIN PAR HAME SALAM KARE
YEH AARZU HAI KI YU ZINDAGI TAMAM KARE
NAJAF ME SUBAH KARE KARBALA ME SHAAM KARE.

ALI ALI NAZAR AAE JIDHAR JIDHAR DEKHA
ALI KA NOOR EK SHA-E-ME JALWAGAR DEKHA
ALI KO HAQ NE UTARA AIN KAABE ME
KHULI JO AANKH TO PEHLE KHUDA KA GHAR DEKHA.

————————————————–

yay sochna hee abas hae kahaN kahaN hae ALI
jahaN jahaN hae haqeeqat wahaN wahaN hae ALI
idher hae zaat-e- khuda,udher hae zaat-e-muhammad
inhee lateef hijabouN kay darmiyaaN hae ALI..

Kia khaak who darray gay lehad ke azaab se
Mansoob hai jo khaak e dar e boo turab se
Mushkil kusha hain paas farishto adab karo
Mushkil mein daal doon ga sawaal o jawab se
Khyber mein dekhna,yeh hai jibrael ya ajal?
Lipta hua hai kon ALI ki rikaab se
Jo “YA ALI MADADâ€‌ ko gunah keh ke charrh gaye
Who bekhabar hai meray gunnah k sawaab se
Pehlay yeh zid thi khuwab mein dekhay gay hum khuld ko
Ab zid hai keh khuld mein jaagain gai khuwab se
Mohsin..bahisht MOLA ALI ki wila se hai
Mein ne yehi parha hai khuda ki kitaab mein

Uroose azm ki zeenat sana e haider hai
Bayan ka husne latafat sana e haider hai
Gul e riaz fasahat sana e haider hai
Khuda ki ain ibadat sana e haider hai
Jo haq shanaas hain un ko sana yeh bhaati hai
Yehi sana to bahisht e bareen dikhati hai

Tatheer keh rahin hai taharat ALI ki hai
Afzal kahein jisay,who ibaadat ALI ki hai
Insaaf ki sada hai,adaalat ALI kihai
Arzo sama ALI ke hain,jannat ALI ki hai
Kaabay mein khaas jaaye wiladat ALI ki hai
Masjid mein jo hui who shahadat ALI ki hai

Naad e Ali ka wird jo karte chali gaye
umr e rawan sakoon say guzarte chali gaye

deewana waar loug bhi martay chalay gaye
taigh e Ali jidher say guzarte chali gaye

Aik rooz ye manzar badlega, aik din ye chaman lehrayega
gulshan me chalegi aysi hawa, ye dour-e-khaza mit jayega
ye dharti sona uglegi, ye chargh gohr barsayega
aik din ye nizam-e-zulm wo sitam, qud zaalim ko rulwayega

qanjar ka kaleja kanpega, talwaar ka sar jhuk jayega
sab thaat pada rehjayega, jab aane wala aayega

Hai azme Khalili sinoan me, sholoan me phool khila denge
Hathoan me nihan hai zoore Ali, Khaiber ka saman dikhla denge
Abbas-e-dilawar ke waris, har ek ki pyas bhuja denge
Ye nasl wa mulk wa rango watan, ki sab diware gira denge

Is waqat fiza-e-alam me, bas ek Alam lehraega
sab thaat pada rehjayega, jab aane wala aayega

ya Ali tera haseen naam bhala lagta hai ,
aur teri nisbat say yeh islam bhala lagta hai,
laug kehte hain tere ishq mein kafir mujh ko ,
aur mere dil ko ye ilzam bhala lagta hai!!
———————————————

SAFAR TAVEEL HAI , UMRE DARAZ CHOTI HAI
ALI KA ZIKR BAHOT HAI , HAYAT CHOTI HAI
ALI KO KAISE MAIN MAULA E KAYNAAT KAHU
BADA HAI NAAM E ALI , KAYNAAT CHOTI HAI

ALI FUROO BHI HAI , ALI USOOL BHI
ALI MAULAE KAYNAAT , SHOHRE BATOOL BHI HAI
YA ALI KEHNA AGAR HAI HARAAM (MAZALLAH)
TO IS GUNAH ME SHAMIL MERA RASOOL BHI !!

————————————————-
chamakta hai kahan aflaak peh mehr e jabeen aisa
kahan hoga wilayat ki anghooti mein nageen aisa
khuda mehfooz rakhein chashme bad se husn e haider ko
barri mushkil se paya hai nabi ne jaanasheen aisa
-———————————————–

ahl-e- qirat ki aankh ka taara hae YA ALI
aur mo’minooN k dil ka sahara hae YA ALI
meri tamam mushkilain aasaan ho gayeN
mushkil mae maeinay jab bhee pukaraa hae YA ALI

————————————————
Bhaetek rehay ho to raah-e-thawaaaab bhee dhoondhoo
andherey hayn to koi aftaab bhee dhoondho
banay ho matttiii saay mitt jaao gay musalmano
jo bechhna hay to koi Buuturaabbhee dhoondhoo
———————————————–

Bohat kam hai jo khul jaatay hain izhaar-e-dili kar ke
Taassur hi batata hai haqeeqat munjali kar ke
Munaafiq aur momin ki agar pehchan karniho
Faqat chehray ko dekha chahiyyein zikr-e-ali kar ke

Meri majaal hi kia aur kia meri auqaat
Kuja haqeer sa banda kuja imam ki zaat
Karay jo wasf-e-ALI,hai yeh kis ke bas ki baat
Who zaat jama hain jis mein sab anbiya ki safaat

Har aik zarra-e-imkaan ne yun to banaya hai
Bajuz khuda o nabi kis ne un ko jaana hai
——————————————–

Jab se tumhain madad ko pukara hai YA ALI
har moj ki jilao mein kinara hai YA ALI

Behr-e-hayaat,hasrat-e-toofan nikaal dey
berra bhanwar mein keh ke utaara hai YA ALI

us ki nazar mein shaukat-e-taajo sareer kia
jo bhi ghulam dil se tumhara hai YA ALI

bakhshi hai tum ne fikr bashr ko tajalliyaan
tum ne shaoor-e-zeest nikhara hai YA ALI

hai aap hi ka ishq anees-e-game-hayaat
warna hayaat kis ko gawara hai YA ALI..

—————————————–
Kuch aur bhi bawaqaar hojata hai
Madhosh bhi hoshiyaar hojata hai
Jo peeta hai jaam-e-mai-e-hubb-e-ALI ,
Konain ka raazdaar ho jaata hai…

Kabhi ishq o maarifat ke shaaoor tak woh na pohncha
raha zulmaton mein hairaan kabhi noor tak na pohncha
yehi silsila-e-tareeqat hai yehi silsal-e-haqeeqat
jo ALI talak na pohncha,woh huzoor tak na pohncha

tamanna thee k pewand-e-khak-e-karbala hotay

wahan bhi khaak hee hotay magar khaak-e-shifa hotay

chashm-e-imaan mein ,nuseri hain alag,hum hain alag
woh khuda kehtay hain,hum sher-e-khuda kehtay hain

Woh aaftaab-e-fazeelat jisay zawaal nahin
karoon jo wasf to itni meri majaal nahin
tamam aalam-e-insaaniyat mein baad-e-Rasool
Khuda gawah,ALI ki koi misaal nahin..

———————————————
Moula Ali Ki Shan Main Likhne Walo
Apne Her Lafaz Ko Anmol Samjhoo
Ataa Hoti Hai Yeh Dar_E_Zehra Se
Apni Her Tehreer Ko Maqbool Samjhoo
—————————————-
—-

QIRDAR YAKEENAN MASOOM THA TERA ABBAS
UMMUL BANEEN KA LAAL SHERE KHUDA KA SHER HAI TU ABBAS
AB JO FATEMAH NE KEH DIYA TUJHKO APNA BETA ABBAS
TO FAQR SE KEH SAKTE HAM TUJHKO MOHAMMAD KA NAWASA ABBAS.

KAT GAYE HAATH MAGAR SINA SIPAR HAI ABBAS
FAUJE SHABBIR SA FAILA NE NAZAR HAI ABBAS
THARTHARAHAT SI JO DARIYA ME NAZAR AATI HAI
YEH TERE EK TAMACHE KA ASAR HAI ABBAS.

—————————————————

naam-e-abbas waseela hai har dua ke liye
ism e azam hai yeh momin ki iltija ke liyei

mansha e zehra iraada hai ali hukm e jali
saaniy e jaffer e tayyar hai gairat ka wali
khud chuna khaaaliq e akbar ne hai wafa ke liye

koi maanay ya na maanay hai ye eamaan mera
naam e abbas to bakhshish ka hai samaan mera
chashma e faiz hai yeh dar har aik ata ke liyein

baab peh sher e shayadat keh jobhi aaye ga
jo bhi maangay ga qasam haq ki usay mil jaaye ga
nuskha e keemya hai naam peh aik shifa ke liyein

deed karti hoon alam per to saans rukta hai
yaad aajata hai gaazi mujhay yun lagta hai
ab bhi rota hai yeh zainab teri rida ke liyein

With Thanks to our shiastrength and 14 masumeen members.
Syed Mohamad Masoom abidi

Kaaba-Birthplace of the one and only Imam Ali

www.alqaem.org