Rukh kis taraf hai haq ki hawaa ka…ABBAS KE ALAM KA PHARERA BATAAYEGA
RUKH KIS TARAF HAI HAQ KI HAWAA KA BATAAYEGA
ABBAS KE ALAM KA PHARERA BATAAYEGA
DO BHAIYON KI SAMT JO DEKHEGA BIL YAQEEN
ABBAS KO HUSAYN KA SAAYA BATAAYEGA
GHAR POOCHHNA HO FATEMA ZEHRA SE POOCHHIYE
ABBAS KA MAKAAM KOI KYA BATAAYEGA
HAR JAANISAR-E-HAYDAR-E-KARRAAR MAUT KO
DEEDAR-E-MURTAZA KA WASILA BATAAYEGA
BUGHZ-E-ALI CHHUPAAYE SE CHHUPTAA NAHIN KABHI
HOGI ZUBAAN KHAMOSH TO CHEHRA BATAAYEGA
KITNA KHULOOS DIL MEIN PAYAMBAR SE HAI TUJHE
YE BAAT GHAAR MEIN TERA RONA BATAAYEGA
AA JAANE DO HUSAYN KE HAATHON PA DASHT MEIN
LASHKAR KI KYA BISAATH HAI BACHCHAA BATAAYEGA
MERAJ-E-BANDAGI KI HADEIN AAKHRI HAIN KYA
ASHUR KO HUSAYN KA SAJDA BATAAYEGA
2
Manqabat ~ Rif’aton ki imaam hai Zainab
RIF’ATON KI IMAAM HAI ZAINAB
WAJIBUL EHTERAAM HAI ZAINAB
FAATEH-E-KARBALA HAIN SHAH-E-HUDA
FAATEH-E-MULK-E-SHAAM HAI ZAINAB
JO ALI ZEENAT-E-DOALAM HAI
USKI ZEENAT KA NAAM HAI ZAINAB
TUJHSE AAGHAAZ HAR FAZEELAT KA
TUJH PA HI IKHTETAAM HAI ZAINAB
SABR-E-AYYUB BHI YE KEHTA HAI
SABR TUJHPAR TAMAAM HAI ZAINAB
BANKE SUNNAT TERI AZAA-E-HUSAYN
SAARI DUNYA MEIN AAM HAI ZAINAB
ALLAH ALLAH KYA KAHOON TUJHPAR
HAR FAZEELAT TAMAAM HAI ZAINAB
AUR KYA HAI YE AAYAA-E-TATHEER
TERI CHAADAR KA NAAM HAI ZAINAB
UMM-E-AB FATEMA KO KEHTE HAIN
ZAIN-E-AB TERA NAAM HAI ZAINAB
ROZ-E-MEHSHAR BACHAALE RAZVI KO
WO BHI TERA GHULAM HAI ZAINAB
very nice & gives inspiration to guys
LikeLike