Gar aaj bhi nah aaye tou Maula kab aayeNge?


duaa.jpgGar aaj bhi nah aaye tou Maula kab aayeNge?

Gar aaj bhi nah aaye tou Maula kab aayeNge?

Har ahl.e kufr.o.shirk ke ghar meN bahaar hai

Jo aapka hai ooske hi daaman meN Khaar hai

Aajaaiye keh qaum bohat beqaraar hai

PurKhaar ahle. deeN ke liye rahguzaar hai

Rahbar baGair manzil.e haq kaise paayeNge

Gar aaj bhi nah aaye tou Maula kab aayeNge?

Baiyat ka hai sawaal nah baaqi hai ab “Yazeed”

Haq phir bhee ho rahaa hai harik jung meN shaheed

Jaan.e Rasool! Kab se lagaye haiN umeed

Aap aa gaye tou hum bhi manayeNge jashn.e Eid

NaGme khooshe ke ahl.e suKhan gungunaayeNge

Gar aaj bhi nah aaye tou Maula kab aayeNge?

Aa jaaiye shujaAt.e “Haider” liye hoowey

Abba.e baawiqqar ke tewar liye hoowey

Hamraah shaan.e faatah.e Khaiber liye hoowey

AaNkhoN men zaKhm.e seena.e Akbar liye hoowey

Duniya ko kab jihaad ka manzar dikhayeNge

Gar aaj bhi nah aaye tou Maula kab aayeNge?

Aa jaaiye gareeb ki aahoN ka waastah

Ahl.e azaa ke dil ki doaaoN ka wastah

Abbas.e bawafaa ki wafaaoN ka wastah

KhemoN meN alAtash ki sadaaoN ka wastah

Hum kis ko apne gam ka fasanah sunayeNge

Gar aaj bhi nah aaye tou Maula kab aayeNge?

Mazloomiyat ko qahr.e jafa se bachaaiye

Duniya meN zaalimoN ke qazaa banke aaiye

Lillaah Zulfeqaar ke jauhar dikhaaiye

Har morchey ko Khaiber.o.Khandaq banaaiye

Chehrey se kub yeh Gaib ka pardah haTayeNge

Gar aaj bhi nah aaye tou maula kab aayeNge?
—————————————————

Jawaid Badauni

(Maddaah.e Ahl.e bait AW)

http://groups.yahoo.com/group/Mehfil_e_Jawaid

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s