gul haai aqeedat haiN yeh ashAAr nahiN haiN”


264f.jpgJise aap per yaqeN hai wohee namah bhejta hai

Yeh areezah ik moHib ne baRee aas se likha hai

UnheN Hal.e runj likhkhooN yeh to dil ki zid hai warna

Mira kaun sa alam hai jo Imaam se chupa hai

Mire Khat pe haNs rahe ho tumheN kya Khabar hai logo!

Yehee hai jawaab khat ka mira dard tham gaya hai

Yeh chiraaG.e zindagaani mujhe Dar hai bujh na jaye

Nah mira koii Thikaana nah kuch aap ka pataa hai

Mire dil ki tarah shayad woh bhi muntazir hai unka

Jo musallah muddatoN se kahiN aab per bicha hai

Isey manqabat nah samjho yeh hai bada.e mowaddat

Keh harek sunne waalaa isey pee ke jhoomta hai

Yeh miree hayaat “jawaid” ik andheree shub se budtar

Mira aaKhree qamar tha jo GhaTa meN kho gaya hai

—————————————————————

(2)

Sub kuch hai magar bazm meN sarkaar nahiN haiN

Jalte hain diye noor ke aasaar nahiN haiN

Hum chup hain keh Haal unpe harik dil ka ayaaN hai

Yeh kisne kahaa taalib.e deedar nahiN haiN

Gaaiib he saheeh koii tou hai moonis.o.mohsin

Hum Khoosh hain ke be-yaavar.o.be-yaar nahiN haiN

Maula ko areezeh meN bus itna hi likha hai

KyuuN chain se Sarwar ke azaadaar nahiN haiN

Hai kaisee ajab sultanat.e deen ki Haalat

darbaar tou hai Haakim.e darbaar nahiN haiN

Ab kaun kare chaak Suf aaraaii.e baTil

Gazee haiN magar misl.e Alamdaar nahiN haiN

“Jawaid” qaseedey meN muwaddat ki mahik hai

Gul haai aqeedat hain yeh ashAAr nahiN haiN

Friends! Please join my newly created Yahoo-group to share your views on matters of common interest and Urdu Shaairee. Please visit the home page at:

http://groups.yahoo.com/group/Mehfil_e_Jawaid/

Jawaid Badauni

Advertisements

2 thoughts on “gul haai aqeedat haiN yeh ashAAr nahiN haiN””

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s