SHAHSAWAAR E KARBALA …Hafeez* Jalandhari


SHAHSAWAAR E KARBALA …Hafeez* Jalandhari

ibaas hai phata hua, ghubaar meiN ata hua
tamaam jism e naazneeN, chida hua, kata hua
yeh kaun zeewaqaar hai, bala ka shahsawaar hai
ke hai hazaaroN qaatiloN ke saamne data hua

yeh bilyaqeeN Hussain (A.S.) hai,
Nabi(SAW) ka noorEy ain hai

ke jiski eik zarb se, kamaal’e fann e harb se
kai shaqi girEy huEy, taRap rah’e haiN karb se
ghazab hai teighaEy do-sarr, ke eik eik waar par
uthi sadaa’e alamaaN, zabaan e sharq o gharb se

yeh bilyaqeeN Hussain (A.S.) hai,
Nabi(SAW) ka noorEy ain hai

yeh kaun haq parast hai, maey redha se mast hai
ke jiske saamn’e koi, buland hai na pUst hai
udhar hazaar ghaat hai, magar ajeeb baat hai
ke eik se hazaarha ka hausla shikast hai

yeh bilyaqeeN Hussain (A.S.) hai,
Nabi(SAW) ka noorEy ain hai

aba bhi taar taar hai, tO jism bhi figar hai
zameeN bhi hai tapi hui, falak bhi shola baar hai
magar ye mard e teigh zann, ye sAff shikan, falak figan
kamaal e sabr o tandehi se mahwe kaarzaar hai

yeh bilyaqeeN Hussain (A.S.) hai,
Nabi(SAW) ka noorEy ain hai

dilawari meiN fArd hai, baRa hi sheir e mard hai
ke jiske dabdab’e se dushmanoN ka rAng zard hai
habib e Mustafa(SAW) hai ye, mujaahid’e Khuda hai ye
jabhi tO iske saamney, ye fauj gard bard hai

yeh bilyaqeeN Hussain (A.S.) hai,
Nabi(SAW) ka noorEy ain hai

udhar sipaah’e Shaam hai, hazaar inteqaam hai
udhar haiN dushmanaan’e deeN, idhar faqat Imam hai
magar ajeeb shaan hai, ghazab ki aan baan hai
ke jis taraf uthi hai teigh, bAs Khuda ka naam hai

yeh bilyaqeeN Hussain (A.S.) hai,
Nabi(SAW) ka noorEy ain hai

About these ads

5 Comments

  1. aOa dear,
    i searched for days but no audio link but u can see it on youtube & vuclip, download and then convert it into mp3, seach kyewords = “hussain hai-marsiya-nusrat fateh ali khan”
    Jitna kamal Mr Jalandhari ne kia he utna hi Nusrat ne apni mast awaz k jado se kar dia he sun k literally nasha ho jata he!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s