Qita o Rubaiyaat……..Imam e Zaman (a.s)


 

The image “https://smma59.files.wordpress.com/2006/09/092043306d0b4c6e0.gif” cannot be displayed, because it contains errors.

Kaabe ki zameeN ko jagmagaan’e ke liye
Aa fitrat’e momin ko jagaan’e ke liye
chehrey se naqaab utha, saraapa Ahmed
Islam ko Islam banaaney ke liye

Razm* Rudaulvi
——————
Hasti ke saheefe mein waraq chAudah haiN
Do baab mein, hikmat mein sabaq chAudah haiN
HaiN arz o samawaat mila kar sAb eik
Duniya ke dikhaaney ko tabaq chAudah haiN

Safi*
———-
Imam’e asr aaey, khush haiN sheikho shaab’e maikhaanah
sada deitey huEy phirt’e haiN yeh, arbaab’e maikhaanah
hua phir aamad’e saaqi se waa, jaldi chalo rindoN
Khuda ki maslahat se bUnd tha, jo baab’e maikhaana

Syed Laaeq Ali Hunar* Lucknawi
——————————-
jahaaN meiN wirsadaar’e saaheb’e meiraaj aaya hai
Hasan(AS) ke ghar mein, aalam ka jo hai sArtaaj aaya hai
raheiga hashr tak ab mazhab’e haqq daher meiN qaaem
imaamat khatm hai jis par, Hunar* woh aaj aaya hai

Syed Laaeq Ali Hunar* Lucknawi
————————————-

deen ki taz’een aey sarkaar’e Hujjat keejiye
pardaey ghaibat ulat deeje imaamat keejiye
jal rahi hai saari duniya zulm o istebdaad se
aaiye aur aa’ke iss dozakh ko jannat keejiye

————————-
Mirza Jamal

kis ehtemaam se mahfil mein jaam aata hai
ke daur khaTm hai, maah’e siyaam aata hai
khabar yeh Eisa’ey gardooN nasheeN ko bhi de do
bichaaeiN aa ke musalla, imaam aata hai

Azeez* Lucknawi
——————
qabza hai jahaN pa maalikaana qaaem
hai jaah o jalaal’e khusrawaana qaaem
aey Hujjat’e kirdegaar roohi bafidaak
hai aap’ke dAmm se yeh zamaana qaaem

Maulana Tuur*
————–

zamaana ho gaya raushan, shah’e anaam aaey
zameeN ki qadr baRhi, aasmaaN maqaam aaey
zahoor’e qaaem’e aal’e aba, mubarak baad
janaab’e Mahdiye deeN, barhweiN imaam aaey

Syed Mohammed Ibne Tuur
shabraat aai, eid ka manzar liy’e huEy
pahlu mein noor’e subh’e munawwar liy’e huEy
gulzaar’e Samra meiN haiN Narjis nehaal aaj
daamaan’e aarzoo meiN, gul’e tAr liye huEy

Syed Iftekhar Ibne Maulana Tuur
——————————————

tera raasta kab se hUmm deikht’e haiN
tajassus meiN raah’e adam deikht’e haiN
Najaf deikht’e haiN, Haram deikht’e haiN
jahan teira naqsh’e qadam deikht’e haiN

kheyabaaN kheyabaaN iram deikht’e haiN

Maulana Akbar Mehdi Salim* Jarwali
—————————————–

paida hua shahzaada, ishrat kada har dil hai
kashti hai tamanna ki, armaanoN ka saahil hai
shahzaadi’e Narjis ko, hai khauf’e nigaah’e bAd
Allah yeh mah-paara ikhfa hi ke qaabil hai

———————————————————–

Maulana Syed Abul-Hasan Sahab Qibla

IsmeN bhi nazar aane laga shirk ya bidAt….

Arzee jo likhi main ne moHabbat ki zubaaN meN………..

Likhte tou miyaN tum bhi baharHaal Areeza….

Waaris koii hota jo tumhara bhi jahaN meN…..

Jawaid Baduni

With Thanks to MIRZA JAMAL SAHEB

Advertisements