Mera pyaam dahshatgard ke naam


Mera pyaam dahshatgard ke naam

hai na koii tera muzhab aur na koii hai watan
kaun sa muzhab sikhata hai yeh dahshat ka chalan
deeN se tujhko kya Garaz too apni nafrat meN magan
bAAd meN ban na MusamaaN pahle too insaan ban

tujhse dahshatgard deen.e “Mustafa” badnaam hai
such to yeh hai ai bashar too dushman.e Islaam hai

zulm karta hai nihattoN per ibaadat maanker
haaye too haq ke taqazoN se hai kitna beKhabar
kitne mAsoomoN ko mara kar diye barbaad ghar
kya jihad isko hi kahte haiN zara mAlum kar

ho sake to rok dey ab roz ka yeh qatl.e aam
ik nihattay bezarar ki jaan lena hai haraam

too ne dekhi hai kisee maidaaN meN jung-e “Murtaza”?
pahle dushman se yeh kahte thay keh too imaan la
phir yeh kahte thay keh maiN jaata hooN too bhi lauT ja
jung ki ik baar bhee karte nah thay woh ibteda

aise hote haiN musalmaaN aise hota hai jihad
kuch to eemaaN ke taqazoN ko samajh ai namuraad

rakh ke “bum” too bhag jata hai wahaN se beKhatar
teri is Harkat se marte haiN bohat se bezarar
ChithRe ban kar jism insaanon ke jate haiN bikhar
maaN ki aaGoshoN meN mar jate haiN maaoN ke pisar

waah teri jung aur tera yeh andaaz.e jihad
ai sipahee marhaba haq ke mujahid zindabAAd

manta hooN zulm hum per bhi howey haiN behisab
Khood ba Khood hona hai har zalim ko ik din benaqaab
aur bhi Halaat ho jate haiN dahshat se kharaab
ai bashar dahshat nahiN duniya meN dahshat ka jawab

ho sake to baat dahshatgard meri maan le
woh MusalmaN hi nahiN jo bezarar ki jaan ley

(Bezarar means harmless)

Jawaid Badauni
Muscat –Oman

Advertisements

2 thoughts on “Mera pyaam dahshatgard ke naam”

  1. maan gaye saahab, jo bhi kuch aapne likha hai woh paigaam hai un aatank waadiyon ke naam , jo majhab ka daaman odhe islaam ko badnaam karte hain, main khud islam ki bohat izzat karta hoon , aur aapke liye bas itna hi likhna chahta hoon……
    Kaash pahunche un kaffiron tak aap ka yeh paighaam
    dosti aur bandagi , yahi toh sikhata hai islaam ..
    mazhab ke naam par aakhir kyon marta hai insaan..
    aapki lafz, aapki nazm aur aapki soch ko salaam!

    Like

  2. Jawaid bhai aap ka jawab nahi hai kya khyalat hain aapkey mashallah sab haqiqat aapne likhdi kash yeh voh samajh saktey jinko aapne mukhatib kiya hai.

    sayed nayyar abbas rizvi

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s