apne raozey par Hussain aey Fikr* khUd bulwaaeiNge


NAUHA

Syed Wirasat Ali Saheb Fikr* Lucknawi, Marhoom

itrat’e Aale Nabi yaaN be_rida mehfil meiN hai
muztareb waaN rooh’e Zahra qabr ki manzil meiN hai

jisko kaaNdhey pAr CaRhaate thEy Payamber aey Yazeed
sAr usi ka takht ke neeche teri mehfil mein hai

hain hazaaroN zakhm khUd mAr jaaeiga Ibne Rasool
zebha ka aey Shimr ab kyuN qasd teire dil mein hai

hai Yazeed’e ru_siyah to takht pAr baa_izzo shaan
aur Imaame waqt mujrim ki tarah, mehfil mein hai

maujeiN maatam kar rahi haiN, sAr patakte haiN hubaab
khooN jo Abbaas’e Jari ka daaman’e saahil meiN hai

Shaam ka zindaaN na raushan kar saki jo chaandni
daagh uss se aaj tak qalb’e mahey kaamil mein hai

kashtiye umr’e Hussain Ibne Ali hoti hai gharq
ek talaatum aaj aab’e khanjar’e qaatil mein hai

ek jafaa se kyuN na hoN do khoon ke darya rawaaN
halq’e Asghar mein jo naawak hai woh ShAh ke dil meiN hai

apne raozey par Hussain aey Fikr* khUd bulwaaeiNge
Karbala jaane ki hasrat gar tumhaare dil mein hai

(Mirza Jamal)

Advertisements

One thought on “apne raozey par Hussain aey Fikr* khUd bulwaaeiNge”

  1. Zindagi meiN hai hi kya? bus Husrath e Karbobala,
    dil ka sukooN karbobala, to daagh e dil bhi karbala,
    dard bhi hai karbala, darmaan bhi hai kerbala,
    zidagi momin ki hai bus karbala hi karbala.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s