NAUHA AathveeN Moharram


NAUHA AathveeN Moharram 

Syed Wirasat Ali Saheb Fikr* Marhoom

hai makhsoos aathveeN maahe aza ki jis dilaawar se
baRi ulfat thi uss jarraar ko Sibte Payamber se

talaaya phir rahe thEy ShAh shabe aashoor jab hAr soo
tO Kulsoom uss ghaRi yeh kah rahi theeN uss dilaawar se

ke bhayya subho ko qurbaaniye Aale Mohammed hai
nisaar aulaadeiN apni sAb kareiNge Shaahe deeN pAr se

nahiN hai koi bhi aulaad mujh dukhiya ki duniya mein
hijaab aaeiga kal ke din mujhe Sibte Payamber se

suni jab yaas ki taqreer yeh Abbas’e ghaazi ne
to rakhkar sAr ko qadmon pAr kaha Kulsoom’e muztar se

hooN main bhi tO ghulam eik aapka, kyuN aapko ghAm hai
mujhe kal aap sadqa keejiyega Shaahe deeN pAr se

gharaz hamsheer ko taskeen de kar chupp huEy Maula
khitaab ab maiN yeh karta hooN Alamdaare Dilaawar se

ke aey Aaqa khabar lillaah leeje roaz’e Aashoorah
sitamgar lEy gaEy chaadar usi Kulsoom ke sAr se

usi ghar meiN chale aaEy laeen, leeje khabar Maula
ke jaari rasm parde ki hui thi aah jis ghar se

shaqi Aabid ko leikar ab chale haiN jaanibe Koofa
utheiga baar kyuNkar tauq ka beemaar o laaghar se

bula leeje suEy Karbo ala ab Fikr* ko Maula!
ke sAdme uth nahin sakte haiN uske qalbe muztar se

(Mirza Jamal)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s