NAUHA SaatveeN Moharram


NAUHA SaatveeN Moharram 

Syed Wirasat Ali Saheb Fikr* Marhoom

saatweeN maahe aza ki aaj hai aey momeneeN
bAnd paani kar chukey haiN Shaah pAr aadaae deeN

pahrey bithwaae gaEy haiN naher pAr iss waastey
taa na paaeiN eik qatra bhi Imaam al MuttaqeeN

jaanwar tak naher se seiraab hoN afsoas hai
aur tarseiN eik qatre ko ShAhe dunya o deeN

hai yeh din makhsoos bahrey Qasime gulgooN qaba
haalate ibne Hasan bhi kuch suneiN ab haazereeN

iss qadar kAmsin tha farzande Hasan aey momeneeN
pushte markab pAr bithaane aaey thEy khud Shaahe deeN

naaseroN ko jamaa karke jab shabe aashoor aah
de chuke sabko shahaadat ki khabar Sultaane deeN

joRh kar haathoN ko Qasim ne kiya yeh arz tab
naam meira bhi shaheedoN meiN likha hai ya naheeN

ShAh ne poocha maut kaisi hai, bata aey naunehaal
shahed se zaayed hai sheereeN, tab ye bola wo haseeN

sUn ke yeh ShAh ne kaha haaN tUm bhi kal hoage shaheed
aur Ali Asghar ko bhi maareiNge yeh aadaaey deeN

naame Asghar sunte hi Qasim ne ghabra kar kaha
aey chacha khaimoN meiN bhi darr aaeiNge kya ye laeeN

hoN fida jaaneiN hamaari kis qadar ghairat thi,aah
dheyaan se be_pardagi ke ho gaEy Qasim hazeeN

ab maiN kahta hooN ke aao Shaam ke baazaar meiN
aur zara deikho tO haaley itrate Sultaane deeN

jin ke parde ka tumheiN itna tha aey maula khayaal
aam majme mein khule sAr haiN woh baa haal’e hazeeN

ab jigar phatTa hai nauha khatm kar aey Fikr* jald
aur dua kar yeh ke dAmm nikle tO rauze ke qareeN

(Mirza Jamal)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s