NAUHA Shahaadat’e Hazrat Abbas (AS)


NAUHA Shahaadat’e Hazrat Abbas (AS) 

Syed Wirasat Ali Saheb Fikr* Marhoom

alam_abbas-large-msg-114190813409-2.jpgyeh boale Hazrate Abbas aake Sarwar se
ke sabr ho nahiN sakta hai ab iss ahqar se

haiN bachche tashna dahaani se jaan balab Maula
sadaae al’atash aati hai, khaimon ke dAr se

jo izne jUng nahiN, laane deejiye paani
ke meiri pyaari Sakeena na aab ko tarse

yeh sunke Hazrate Shappeer ne jhukaaya sAr
samajh li bhaai ki marzi, sukoote Sarwar se

utha ke mashko alam, aur aur leike eik naizah
chala dileir raza paate hi baraadar se

bhaga ke fauje sitam, aur bhar ke naher se mashk
suey khayaam phire laRte fauje akfar se

thi mashk doash par aur dast’e raast meiN naizah
jo ek laeen ne kiya usspa waar khanjar se

sambhaala mashko alam baaeiN haath se leikin
tamaam fauj ki thi jUng ek dilaawar se

bil_aakhir usspa bhi talwaar ek shaqi ki paRi
lahoo ka bah gaya darya taney mutaahar se

magar thi koshishe Abbaas, paani bAch jaaey
ke surkhuroo hooN pilakar maiN binte Sarwar se

dabaa ke daaNtoN meiN tasma, baRhe thEy aap abhi
ke aa ke teer paRa ladhkare sitamgar se

idhar tO mashk chidi, dhaar nikli paani ki
ek aah sard udhar nikli qalbe muztar se

kuch aur aage baRhe thEy, ke sAr pa gurz paRa
khitaab karke kaha tab jari ne Sarwar se

ke jaan apni fida ki ghulaam ne Maula
dua hai seir hooN ab deed’e rooe anwar se

sada yeh sUnke, kamar thaam ke chale Hazrat
yeh kahte jaate thEy ro ro ke Shaah, Akbar se

kidhar se aai nida, jald le chalo beita
ke marte waqt galey mil looN, maiN baraadar se

gharaz ke pahoNche tO ghaltaaN thEy khoon meiN Abbas
na deikhi jaati thi haalat jari ki Sarwar se

utha ke sAr rakha zaanu pa, aur roake kaha
agar ho koi tamanna, kaho baraadar se

kahaa yeh Hazrat’e Abbas ne ke aey aaqa
tha dil meiN shauq’e ziyaarat, magar muqaddar se

ek aankh teer se zakhmi hai, aur doosri par
jama hai khoon nikalkar, shigaafta sAr se

aba ka daaman utha kar woh khooN ShAh’e deen ne
chuRaaya dasht meiN ro ro ke dast’e athar se

rukh’e Hussain ko hasrat se deikhkar ek baar
qareeb apne bulaakar kaha yeh Akbar se

kujhe yaqeeN hai pas’e qatl, fauj’e Koofa o Shaam
kareiNgi be_adabi jism’e Shaahe safdar se

sipurd karke meri laash, ibne Saad ko tum
meri taraf se yeh kah deina, baaniye shAr se

eiwaz Hussain ke paamaal kar de laash meri
ke roaz’e hashr khijaalat na ho Payamber se

khitaab ShAh se kiya phir, ke meire laashe ko
huzoor uthaaeiN na lillaah iss jagah pAr se

kiya tha waada Sakeena se, paani laane ka
hooN sharmsaar maiN Aaqa ki pyaari dukhtar se

yeh kahte kahte sidhaare suey jinaaN Abbas
Hussain roaey lipat kAr tan’e baraadar se

dua karo bAs ab aey Fikr* tUm ke ya Abbas
Qareeb qabr miley rauzaey munawwar se

(Mirza Jamal)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s