QASEEDAH – 15th. Shaabaan


QASEEDAH – 15th. Shaabaan

( Syed Wirasat Ali Rizvi Sahab Marhoom, FIKR* Lucknawi )

naseem’e subho dAm aai, khile ghunch’e gulistaaN meiN

hua  beidaar  sabza,   karvateiN  leikar  bayabaaN  meiN

 

tamaasha  deikhne  ko   charkh  ne  ulti  naqaab’e  shabb

sitaara subho ka chamka, baRhi zau mehr’e taabaaN meiN

 

mareezaan’e  shab’e  furqat  ne badleeN  karvateiN  paiham

naseem’e subho ke jhoNkoN ne jumbish di rAg’e jaaN meiN

 

guzaari  thi  ajab  aalam  se mar  mar kar  shab’e  furqat

baRhi taaqat sahar ke  hotey hi  beemaar’e hijraaN meiN

 

huiiN khaamosh shaMmeiN, ruk gaey bahte huEy aaNsoo

buroodat pahoNchi kaafoore sahar se qalb’e sozaaN meiN

 

dil’e  beemaar  thahra  aUr   rukey  jhoNke  hawaaoN  ke

rukeeN maujeiN, kami honEy lagi darya ke toofaaN mein

 

naseeme  subho gaahi  ne  khiraam’e  naaz se  chal kar

kuch aisi phooNk di ek rooh’e taaza jism’e beijaaN meiN

 

darakhton   par  sunahra   rung  suraj  ki   shuaaon  se

anadil ki woh naghma sanjiyaaN sahn’e gulistaaN meiN

 

wo takbeeroN  ke  naarey,   goonj  utTheiN  masjideiN  jis se

wo but-khanoN mein naaqoosi sadaaeiN yaad’e jaanaN meiN

 

haseenaane    jahaaN    ka   karwateiN    leina    sarey    bistar

woh baL kuch aur bhi ghussey meiN paRna zulf’e peichaN meiN

 

haseenoN  ki  nigaahoN  se,   ulajhna  wo  shuaaoN  ka

shikan rah rah ke paRna wo jabeen’e ruey taabaaN mein

sitaron ka chupaana muNh, idhar gardooN ke daaman se

udhar sar daalna shab ka wo khud apne hi daaman mein

anaadil  ka   chahakna   aur   wo  haNsna   khilti  kalyon  ka

chamak shabnam ke qatron ki, wo sabza har gulistaaN mein

chatak ghunchoN ki sunkar, maiN ne tauba toaRna seekha

idhar aa, saaqiye paimaaN shikan ab bazm e rindaaN meiN

tujhe  iss   subho   ka  sadqa    pila   de   aaj  tuu  itni

ke mai hi mai nazar aane lage har suu biyabaaN meiN

mere saaqi  maiN pyaasa  rah gaya  gar  aaj  mehfil  meiN

lageiga budnuma dhabba yeh ek kausar ke daamaaN mein

nazar  ke  saamne jo  aatishe  tar   aur  saaghar  hai

lagi hai aur bhi kuch aag iss se qalbe garmaaN meiN

phuNka jaata hoon saaqi,  jald de kuch jaam bhar bhar ke

ke paRh de Fikr* matla doosra bazm’e sukhandaaN meiN

DEEGAR

bata aey neemaey shabaaN hai aamad kis ki shabaaN mein

mukammal ho gaya  hai noor  jis se maah’e  taabaaN  meiN

malaaek kaarwaaN dar kaarwaaN naazil huey haiN kyuN

mubarakbaad ka ghul ho  raha hai hoor o ghilmaaN mein

zameen  o  aasmaan  o  lauho   arsh’o  kursiy  o  jannat

jise deikho wohi hai tahniyat khwaani ke saamaaN meiN

janaab’e Narjis’e KhaatooN ko halqey mein liye hooreiN

khaRi haiN intezaar’e aamad’e Mahdiye DauraaN meiN

hua burjey  hamal  se jab  ke  ta’aley nayyar’e taabaaN

mukammal ho gaya noor’e Imaamat qalb’e imaan meiN

mubarak   ho   wilaadat   aey   Imaam’e   Askari  uss  ki

khila hai baarhwaaN yeh gul Imaamat ke gulistaaN meiN

Presented by: Mirza Jamal

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s