udhar to fatah ki, fauje adu meiN shaadmaani hai


NAUHA

Syed Wirasat Ali Fikr* Saheb Lucknawi, Marhoom

pyaas atfaal’e ShAhe deeN ki bujhaane ke liye
jaate haiN Abbas’e ghaazi, paani laane ke liye

boale ShAh dil thaam kar, maqtal ko jab Akbar chale
dooN reza kis tarha barchi dil pa khaane ke liye

laash’e Akbar aai khaime meiN to maadar ne kaha
kya gaey thEy ghar se maqtal khuld jaane ke liye

neeNd ajal ki aa gai tumko mere kaRyal jawaaN
aur hUm mushtaaq thEy doolha banaane ke liye

kaisi yeh ghaflat hai, bAs ab so chuke beita utho
maaN sarhaane aai hai tumko jagaane ke liye

mayyat,e Asghar pa maadar ne kaha sAr peet kar
rUn mein kya beita gaEy thEy teer khaane ke liye

ghutniyoN chalne na paaey thEy ke maut aai tumheiN
maan akeili rah gai sadme uthaane ke liye

yaaN giri baali Sakeena, rUn meiN laash’e Shaah par
waaN chala Shimr’e laeeN durrey lagaane ke liye

ya Hussain ab Fikr* ko Karb o Bala bulwaaiye
dil bahot beitaab hai, rauze pa jaane ke liye

(Mirza Jamal)

NAUHA

Syed Wirasat Ali Fikr* Saheb Lucknawi, Marhoom

udhar to fatah ki, fauje adu meiN shaadmaani hai
idhar ansaar’e ShAh par teen din se bUnd paani hai

udhar to aatish’e ghaiz o ghazab se surkh hain naari
idhar rUng’e rukh’e ShAh misle khursheed, arghwaani hai

Ali Akbar ki surat deikh kar hAr eik kahta tha
pisar Sarwar ka yeh, Ahmed ki tasweer’e jawaani hai

kamar bhi khAm hai, dil bhi hai shikasta, ShAh ka sadmon se
aur usspar qaher yeh beite ki mayyat bhi uthaani hai

galEy meiN tauq, beiRi paaoN meiN, haathoN meiN hathkaRyaaN
gire paRtey haiN Aabid raah meiN, yeh natawaani hai

chala marne jawaaN beita, to Sarwar ne kaha roakar
Ilaahi khair karna, yeh Payamber ki nishaani hai

udhar to fauje Koofa naher se seiraab hoti hai
idhar Sibte Nabi par teen din se bUnd paani hai

taRapti haiN misaal’e barq, pyaasoN ke liye maujein
talaatum meiN isi se Alqama ka aaj paani hai

tamanna Karbala jaane ki rahti hai sada dil ko
agar hai tO yehi, ek Fikr* ko rUnj’e nehaani hai

(Mirza Jamal)

NAUHA

Syed Wirasat Ali Fikr* Saheb Lucknawi, Marhoom

paamaal karkey laashaey at’har Hussain ka
nayze pa ashqiya ne rakha sAr Hussain ka

latkaaya gAh darakht meiN, gAh baab’e Shaam meiN
rakkha gaya tanuur mein, gAh sAr Hussain ka

jab Hurmula ne teer lagaaya hai hAlq par
muNh tAk raha tha yaas se, Asghar Hussain ka

be_chAin tha jo raat se, paani ke waaste
ghaltaaN hai ab lahu mein woh gauhar Hussain ka

Zainab pukaariN, deikhta hai ibne Saad tu
aur kaatTa hai Shimr’e laeeN sAr Hussain ka

be_aab hota khanjare qaatil na kis tarah
sookha gala tha, be_kaso muztar Hussain ka

teigheiN usi ki shArm se abtak haiN aab aab
sookha gala jo tha, tAhey khanjar, Hussain ka

hAr ek ne laash apne azeezoN ki maang li
paamaal ho gaya tan’e be_sAr Hussain ka

Ya Rab baraaey Panjetan’e Paak, Fikr* ko
dikhla de jald rauzaey anwar Hussain ka

(Mirza Jamal)

Advertisements

2 thoughts on “udhar to fatah ki, fauje adu meiN shaadmaani hai”

  1. afkaar e karbala ki haqeeqath ayaaN hui,
    nauhe se tere aik qayamath ayaaN hui.
    sunker museebath e shahe karbobalai ki,
    dil se to aah nikli hi, be-jaan, jaaN hui.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s