QASEEDA- By Molana Syed Farqaleetha Ali Husaini Zangipuri


Just Remembering my Old Days and would like to share qaseeda By my most dearest person……

QASEEDA- By Molana Syed Farqaleetha Ali Husaini Zangipuri

QASEEDA- DHOOP

 

By Molana Syed Farqaleetha Ali Husaini Zangipuri

Subho huwi suraj ne nikal kar charo taraf phelaayi dhoop
Pehle Ali ki chokhat chumi phir kaabe per aayi dhoop

Bughz-e-Ali mein jalne wale aur bhi jalthe jathe the
Magrib se jab suraj palta aur saro per chaayi dhoop

Nusrath-e- haq ke josh mein aakar jab maidan main aaye habeeb
Ek boodhe ki jism ki garmi dekh ke khud ghabrayi dhoop

Hindu hai na muslim hai na sikh hai na esaayi dhoop
Moula ka aashiq hai suraj asl mein hai moulayi dhoop

Saalgira hai dhoop ki yaron ghaur se dekho suwe haram
Aayi jidar-e-kaba per phir noor simatne aayi dhoop

Pyaas ki shiddath looh ki hiddath bachchon ke murjhaye chehre Karbobala ke ban mein aakar har lamha pashthayi dhoop

Dhoop ki jab hothi hai shiddath phool har ek murjhatha hai
Shah-e- zaman ka phool jab aaya sharm se khud murjhayi dhoop

Hukm-e- Ali hi hukm-e-khuda hai duniya ne ye jaan liya
Mujko bathao hukm se kiske jaake dobara aayi dhoop

 

 

QASEEDA
Gham-e-hussain na ho tho khushi nahi hoti

 

By Molana syed farqaleetha ali hussaini zangipuri

Lahoo mein jinke wila-e- Ali nahi hoti
Hamari unse kabhi dosti nahi hoti

Ye bath hazrath-e-waiz ko kaun samjaye
Ye maikada hai yahan dillagi nahi hoti

Tujhe namaz mein bhi shak pe shak hai ye waiz
Yahan nashe mein bhi ghaflath kabhi nahi hoti

Yeh raaz teri samaj mein naa aa saka ab tak
Baghair hubbe Ali bandagi nahi hoti

Bohoth buland hai meyyaar-e- ashiqan-e-Ali
Hamari bath giri aur padi nahi hoti

Zaroor kehtha mein jannath ko lajawab “ANEEQ”
Agar nazar mein najaf ki gali nahi hoti

Yeh bath zikr-e-Ali per faqath nahi mauqoof
Munafiqon pe kabhi taazgi nahi hoti

Agar naa aatha dar-e-fathema ke bosey ko
Kabhi sithaaron mein taa bandagi nahi hoti

Na jaane kyu mujhe aksar khayal aatha hai
Meri nuseri se kyu dushmani nahi hoti

Yeh poochthe hai farishthon se dushmana ne Ali
Hamari qabr mein kyun roshni nahi hoti

Kaha farishthon ne bughz-e-Ali andhera hai
Andhere mein kabhi taabandagi nahi hoti

Yeh bath apne hi sheron se hogayi maloom
Baghair luthfe khuda shayeri nahi hoti

Kisi bhi mulk mein jaaye kisi dayaar main hum
Gham-e- hussain naa ho tho kushi nahi hoti.

 Qaseeda By Marhoom Qais Zangipuri

Hujjat se yeh duniya qayam hai Qayam

Moulana Yousha Faizi Night Hyderabad

 Iltemaas e dua

Syed Mohammad Masoom Abidi

2 thoughts on “QASEEDA- By Molana Syed Farqaleetha Ali Husaini Zangipuri”

  1. Dear brother
    as salam alkm. I am asif ali mehdi @shanna
    from india kolkata .can you give me e-mail of moulana farqeleta sb son of moulana yousha sb qibla.this is to inform you that farqaleeta and my self are childhood friend pl give if you know e mail or phone no of moulana
    my mail id is asifalimehdi@yahoo.com

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s