apne raozey par Hussain aey Fikr* khUd bulwaaeiNge

NAUHA

Syed Wirasat Ali Saheb Fikr* Lucknawi, Marhoom

itrat’e Aale Nabi yaaN be_rida mehfil meiN hai
muztareb waaN rooh’e Zahra qabr ki manzil meiN hai

jisko kaaNdhey pAr CaRhaate thEy Payamber aey Yazeed
sAr usi ka takht ke neeche teri mehfil mein hai

hain hazaaroN zakhm khUd mAr jaaeiga Ibne Rasool
zebha ka aey Shimr ab kyuN qasd teire dil mein hai

hai Yazeed’e ru_siyah to takht pAr baa_izzo shaan
aur Imaame waqt mujrim ki tarah, mehfil mein hai

maujeiN maatam kar rahi haiN, sAr patakte haiN hubaab
khooN jo Abbaas’e Jari ka daaman’e saahil meiN hai

Shaam ka zindaaN na raushan kar saki jo chaandni
daagh uss se aaj tak qalb’e mahey kaamil mein hai

kashtiye umr’e Hussain Ibne Ali hoti hai gharq
ek talaatum aaj aab’e khanjar’e qaatil mein hai

ek jafaa se kyuN na hoN do khoon ke darya rawaaN
halq’e Asghar mein jo naawak hai woh ShAh ke dil meiN hai

apne raozey par Hussain aey Fikr* khUd bulwaaeiNge
Karbala jaane ki hasrat gar tumhaare dil mein hai

(Mirza Jamal)

NAUHA Baraaey Janab’e Fatima Zahra (AS), 3-Jamadi us saani

NAUHA Baraaey  Janab’e Fatima Zahra (AS), 3-Jamadi us saani

Syed Wirasat Ali Saheb Fikr* Lucknawi, Marhoom

uthi hai aaj woh aey mominoN duniya se Masooma
pidar ke ghUm meiN aadaa ne jise roane se bhi roaka

kiye aise Janaabe Sayyada par zulm duniya meiN
rahiN baad’e Nabi pachchanwe din dahr meiN Zahra

samajh kar be_kas o be_bas Nabi ke baad aada ne
kiya baagh’e fidak bhi ghAsb, toaRa ghar ka darwaaza

na be_izn aaya jis ghar meiN Malak, dAr aaey waaN naari
gala baaNdha Ali ka, minnateiN karti rahiN Zahra

kiye thEy yooN wasaaya, Fatima Zahra ne Haider se
ke inn logoN ko meri laash par hargiz na bulwaana

tUm apne haath se ghuslo kafan ya Bulhasan deina
paRhaana khud namaaz aur dafn karna khud mera laasha

na paR jaaey nazar na_mahramoN ki meri mayyet pAr
shab’e taareek meiN taaboot suey qabr le jaana

khata khidmat guzaari meiN hui ho gar koi mujhse
samajh kar apni lauNdi, bahr’e Khaliq afo kar deina

baRi mehnat se chakki pees kar paala hai bachchoN ko
khayaal aey Bul_Hasan rakhna, mere baad inn yaseeroN ka

agar koi khata ho ya Ameer al MomeniN inn se
saza deine se, be_maaN ka samajh kar dAr guzar karna

din aur taareekh o saal aey Fikr* yuN rehlat ka likkha hai
do_shamba, teesri maah’e shashum, sAn giyaarah hijri tha

(Mirza Jamal)

NAUHA Baraaey chehlum (20 Safar)

NAUHA Baraaey  chehlum  (20 Safar)   

Syed Wirasat Ali Saheb Fikr* Lucknawi, Marhoom

jahaaN meiN aaj ibne Saqiye Kausar ka chehlum hai
qateel’e raah’e haq, sardaare bahr o bar ka chehlum hai

rahi jalti zameeN pAr laash jis mazloom ki uryaaN
usi Shaahe do aalam, kushtaey khanjar ka chehlum hai

jo saqqaaey Sakina aur Alambardaare lashkar tha
usi dilbande Haider, ghaazio Safdar ka chehlum hai

qalam shaane huEy darya pa jiske, roaze Aashoora
karo maatam ke aaj uss saaniye Jaafar ka chehlum hai

sinaaN seene pa kha ke, jis ne apni jaan di rUn meiN
usi noore nigaahe Shaahe deeN, Akbar ka chehlum hai

jawaani roaegi jispar qayaamat tak zamaane meiN
usi kaRyal jawaaN hUmshakle Paighamber ka chehlum hai

na jo pusht’e faras par, kamsini se baith sakta tha
zamaane mein usi lakhte dile Shappar ka chehlum hai

shuja’at aur ghairat, jis ke sin par fakhr karti thi
usi naashaado kamsin, Qasim’e muztar ka chehlum hai

baRhaaya doodh jiska Hurmala ne, apne paikaaN se
azeezoN aaj uss naadaaN, Ali Asghar ka chehlum hai

hua tha qatl jo jo nusrate Shaahe dO aalam meiN
uRaao khaak aaj un ghaaziyo safdar ka chehlum hai

tujhe aey Fikr* jiski qabr par jaane ki hasrat hai
usi mazloom, tashna lAb, ShAhe be_sAr ka chehlum hai

(Mirza Jamal)

NAUHA Baraaey Maheena, (10 Safar)

NAUHA Baraaey  Maheena,  (10 Safar)

Syed Wirasat Ali Saheb Fikr* Lucknawi Marhoom

boleeN zindaaN meiN Zainab yeh roakar, qaid meiN ho gaya ek maheena
hUm sabhoN ki khabar lo baraadar, qaid meiN ho gaya ek maheena

paas apne bula leeje bhaai, uth nahiN sakti mujhse judaai
sabr kabtak kareigi yeh khwaahar, qaid meiN ho gaya ek maheena

ahle Qarya ne mayyat uthaai, dasht’e ghurbat meiN turbat banaai
hUm to ab tak haiN laachaar o muztar, qaid meiN ho gaya ek maheena

dhoop din bhar ki aur oas shab ki, ghair haalat hai zindaaN meiN sAbki
pahoNcheiN kyuNkar tumhaari lahad par, qaid meiN ho gaya ek maheena

ab jafaaoN ki bhi hAdd hui hai, zabt karne ki quuwat nahiN hai
roane bhi paai ab tak na tUm pAr, qaid meiN ho gaya ek maheena

deikho Sajjaad ko aake bhayya, aahini tauq gardan meiN daala
jaaN balab hai woh beemaar o laaghar, qaid meiN ho gaya ek maheena

hai Sakeena ki bhi ghair haalat, deikhi jaati nahiN uski surat
kuRhti hai aap ki pyaari dukhtar, qaid meiN ho gaya ek maheena

Shimr ne be_khata durrey maare, aur kaanoN se gauhar utaarey
bachchi roati hai abtak bilak kar, qaid meiN ho gaya ek maheena

jin se phir jaaey saara zamaana, Fikr* unka kahaaN pAr thikaana
kyuN na hoN zulm unn be_kasoN pAr, qaid meiN ho gaya ek maheena

(Mirza Jamal)

Baraaey BeeswaaN (30 Moharram)

Baraaey  BeeswaaN  (30 Moharram)

Syed Wirasat Ali Saheb Fikr* Lucknawi Marhoom

mehmaan jise makr se aada ne bulaaya, hai beeswaaN uska
pyaasa jise Aashoor ke din dasht meiN maara,  hai beeswaaN uska

aur teen din afsoas rahi dhoop mein mayyat, be_dafn zameeN pAr
sAr jiska tha naizey pa laeenon ne chaRhaaya, hai beeswaaN uska

tha saaniye Jaafar jo Alamdaare Hussaini, darya ke kinaare
shaane kate jiske, suey Firdaus sidhaara, hai beeswaaN uska

jo mashk Sakeena ki liye naher gaya tha, afsoas ki hai jaa
aada ne jise gurz’e garaaN_baar lagaaya, hai beeswaaN uska

tha chashm’e Hussain ibne Ali ki jo basaarat, aur qalb ki quwat
khaakar jo sinaaN seene pa Firdaus sidhaara, hai beeswaaN uska

tha surat o seerat mein jo hUmshakl’e Payamber, lakht’e dil’e Sarwar
khud jisko jawaani pa sada naaz raheiga, hai beeswaaN uska

kAmsin jo laRa fauj se ibne Shahe Khaibar, lakhte dil’e shapper
paamaal hua phool sa tAn dasht meiN jiska, hai beeswaaN uska

maidaan meiN ShAh paani pilaane jise laaey, daaman se chupaaey
aashoor ke din teer se jo nahr hua tha, hai beeswaaN uska

rah jaaeigi aey Fikr* tere dil meiN yeh hasrat, hogi na ziyaarat
tu Hind se rauzey pa na, jis Shaah ke pahoNcha, hai beeswaaN uska

(Mirza Jamal)

NAUHA Baraaey DuswaaN (20 Moharram)

NAUHA Baraaey DuswaaN  (20 Moharram)

Raushan* JahaN
Binte Syed Wirasat Ali Saheb Fikr* Lucknawi Marhoom

bayn karti theeN Zainab yeh roakar, meire bhaai ka daswaaN ho kyoNkar
fateha kis tarah de yeh khwaahar, meire bhaai ka daswaaN ho kyoNkar

ab na Akbar haiN na Aun o Jaafer, lUtt gaya Karbala meiN bhara ghr
kaun le ab khabar haaey aakar, meire bhaai ka daswaaN ho kyoNkar

fateha dooN maiN kis kis ka bhai, lUtt gai haaey meri kamaai
so rahe haiN zameeN pAr bahattar, meire bhaai ka daswaaN ho kyoNkar

hai Sakeena ki woh ghair haalat, deikhi jaati nahiN uski soorat
roati hai raat din woh baraabar, meire bhaai ka daswaaN ho kyoNkar

ab na Abbas haiN aur na Qaasim, hai madad meiri iss waqt laazim
tUmko roane na paai yeh khwahar, meire bhaai ka daswaaN ho kyoNkar

haaey Asghar ko bhi teer maara, auur Akbar bhi jannat sidhaara
zakhm dil pAr lage haiN bahattar, meire bhaai ka daswaaN ho kyoNkar

zaalimoN ne sitam kaisa dhaaya, dasht’e ghurbat mein mujhko sataaya
koi waaris raha ab na sAr pAr, meire bhaai ka daswaaN ho kyoNkar

dil larazte thEy seene meiN Raushan*, rUnj se kaaNp jaata tha hAr tAn
jab yeh kahti thi Sarwar ki khwahar, meire bhaai ka daswaaN ho kyoNkar

(Mirza Jamal)

NAUHA Baraaey Suyyum

NAUHA Baraaey  Suyyum    

Syed Wirasat Ali Saheb Fikr* Lucknawi, Marhoom

jahaaN meiN aaj ibne Saqiye Kausar ka suyyum hai
qateel’e raah’e haq, sardaare bahr o bar ka suyyum hai

rahi jalti zameeN pAr laash jis mazloom ki uryaaN
usi Shaahe do aalam, kushtaey khanjar ka suyyum hai

jo saqqaaey Sakina aur Alambardaare lashkar tha
usi dilbande Haider, ghaazio Safdar ka suyyum hai

qalam shaane huEy darya pa jiske, roaze Aashoora
karo maatam ke aaj uss saaniye Jaafar ka suyyum hai

sinaaN seene pa kha ke, jis ne apni jaan di rUn meiN
usi noore nigaahe Shaahe deeN, Akbar ka suyyum hai

jawaani roaegi jispar qayaamat tak zamaane meiN
usi kaRyal jawaaN hUmshakle Paighamber ka suyyum hai

na jo pusht’e faras par, kamsini se baith sakta tha
zamaane mein usi lakhte dile Shappar ka suyyum hai

shuja’at aur ghairat, jis ke sin par fakhr karti thi
usi naashaado kamsin, Qasim’e muztar ka suyyum hai

baRhaaya doodh jiska Hurmala ne, apne paikaaN se
azeezoN aaj uss naadaaN, Ali Asghar ka suyyum hai

hua tha qatl jo jo nusrate Shaahe dO aalam meiN
uRaao khaak aaj un ghaaziyo safdar ka suyyum hai

tujhe aey Fikr* jiski qabr par jaane ki hasrat hai
usi mazloom, tashna lAb, ShAhe be_sAr ka suyyum hai

(Mirza Jamal)