“Israel”se dou dou bateN “

Banner

“Israel”se dou dou bateN “

Iss zamaney meN koii tujh sa jafaakaar nahiN
haiN gunahgaar bohat tujh sa gunahgaar nahiN
sau KhataaeN haiN tiree phir bhi Khataakaar nahiN
saHib.e aql hai tou SaHib.e kirdaar nahiN

such bataa kya kisee qanoon ka Dar hai tujhko?
kya zamana tujhe kahta hai Khabar hai tujhko ?

tou jise chaahe jahaN chaahe miTa sakta hai
ghair ke mulk meN aa sakta hai jaa sakta hai
ghar to kya cheez hai tou shahr jalaa sakta hai
apna daaman bhi Cafaaii se bachaa sakta hai

iss jahaN ka koii qanoon tujhe yaad nahiN
tou ne kis kis ka kiya Khoon tujhe yaad nahiN

ek tou hai keh agar zulm bhi Dhaaye to durust
apni talwaar nihattoN pe uThaaye tou durust
roz barbaadi ke hathiyaar banaye tou durust
apni Taaqat se paRosee ko Daraye tou durust

kuch baRe log haiN kum jinko nazar aata hai
tera har zulm, karam jinko nazar aata hai

zulm Tanzeem.e Filasteen peh Dhaaya tou ne
besaharoN ka lahoo Khoob bahaaya tou ne
bequSooroN ka kiya Khoob Cafaya tou ne
paya.e arsh kaii baar hilaaya tou ne

mahir.e zulm.o sitam jaur.o jafaa ke paiker!
tujhko bundoN ka koii Khauf nah Allah ka Dar

tujhko Ghiart hai to inCaaf ki tauheen nah kar
dou qadam dekh kabhi jada.e haq peh chalkar
apne maskan ki hifazat ka tujhe haq hai magar
kyuuN baSad shauq jalata hai kisee aur ka ghar

nafrat.o buGhz ki iss aag meN ab aur nah jal
jaadaa.e amn peh chal jaadaa.e inSaaf peh chal

With thanks from

Jawaid Iqbal

Syed Mohamad Masoom abidi

Israel” ka “Lebanon” per Hamla

Ab bhi ek ho jaao tum Muslims warna bohat pachtaaoge .

“Israel” ka “Lebanon” per Hamla

kis qadar dil soz haiN yeh hashiye yeh surKhiyaaN
zulm ki barish hai jaari aur chup saara jahaN !

aaj phir mal’oon jaabir barsare paikaar hai
garden.e mazloom hai aur zulm ki talwaar hai

uff yeh zalim ke jahazoN se barastee bijliyaaN
bazarar mazloom haiaraaN haiN ke woh jaayeN kahaN

yeh jo “Israel” ki “Libnaan” ko sauGhaat hai
yeh to ik dastoor hai ooska purani baat hai

shahriyoN per sub se baRhke ooska hota hai itaab
bazarar mAsoom logoN se woh karta hai Hisaab

aaj phir meri nazar m’aazi meN jakaer kho gaii
phir “Shateela-Sabirah” ki yaad taaza ho gaaii

beHayaa dil meN bhee khilte hain Hayaa ke kuch to phool
ai darandey! juNg meN bhi kuch to hotey haiN uSool

ek jaanib chuNd teer itnee kamaneN ik taraf
dou sipaheee ik taraf aur itnee janeN ik taraf?

Aa gaya “Lebanon” meN pahne hoowe jungee libaas
kya Philisteenee lahoo se bujh nah paii teri pyaas ?

uff yeh zulm.o.jabr aur duniya ki yeh KhaamoshiyaN
chaudhry jo amn ke bante thay aaKhir haiN kahaN

ai Muslamano! yeh mauqa hai sabaq HaSil karo
ho sake to ab karo tooba Khuda se ab Daro

tum Khooda ko bhool baiThe yeh oose ki hai sazaa
aaj tum ho aur ik berahm jaabir ki jafaa

maut sir peh aa gaii ab to Khird se kaam lo
aapsee jagRe bhoola do aur Khooda ka naam lo

banke dushman tum jo apne bhaaiyoN per tun gaye
tum samandar they magar pal bhar meN qatra ban gayee

ab bhi ek ho jaao tum warna bohat pachtaaoge
Khood hi ik din apni Haalat dekh kar sharmaaoge

http://groups.msn.com/14MASUMEEN

With thanks from br. Jawaid Iqbal

Sura’e Rahmaan ke manzoom tarjum’e ke chAnd bAnd: / Josh Malihabaadi

Sura’e Rahmaan ke manzoom tarjum’e ke chAnd bAnd: / Josh Malihabaadi

kya kareiga saamney se jab hijaab uth jaaeiga
kab tak aakhir apnEy RAb ki neimateiN jhutlaaeiga

yeh sahar ka husn, yeh sayyargaaN aur yeh faza
yeh muattar baagh, yeh sabza, yeh kalyaaN dilruba
yeh beyaabaaN, yeh khul’e maidaan, yeh thandi hawa
soch tO kya kya kiya hai, tujh ko qudrat ne ataa

kab tak aakhir apnEy RAb ki neimateiN jhutlaaeiga

khuld meiN hooreiN teri mushtaaq haiN, aaNkheiN utha
neechi nazreiN jinka zeiwar, jinki aaraaesh haya
Jinn o insaaN meiN kisi ne bhi nahiN jinko chua
jinki baateiN itr meiN doobi hui, jaisey saba

kab tak aakhir apnEy RAb ki neimateiN jhutlaaeiga

apney markaz se na Chall muNh pheir kar bahr’e Khuda
bhoolta hai koi apni inteha aur ebteda
yaad hai woh daaur bhi tujhko, ke jab tuu khaak tha
kis ne apni saaNs se tujhko munawwar kar diya

kab tak aakhir apnEy RAb ki neimateiN jhutlaaeiga

sabz gahrey rAng ki beileiN CaRhi haiN jaa ba jaa
narm shaakheiN jhoomti haiN, raqs karti hai saba
phal jo shaakhoN meiN lagey haiN dilfareib o khush numa
jinka hArr reisha hai, qand o shahed meiN dooba hua

kab tak aakhir apnEy RAb ki neimateiN jhutlaaeiga

phool meiN khushbu bhari, jungal ki booti meiN dawaa
bahr se moati nikaaley, saaf, raushan, khushnumaa
aag se shola nikaala, abr se aab e safaa
kis se ho sakta hai uski bakhshishoN ka haq adaa

kab tak aakhir apnEy RAb ki neimateiN jhutlaaeiga

hArr nafas toofaan hai, hArr saaNs hai ek zalzalaa
maut ki jaanib rawaaN hai zindagi ka qaafelaa
muztarib hArr chiiz hai, jumbish meiN hai arz o samaa
in meiN qaaem hai tO teire RAb ke Cehrey ki ziyaa

kab tak aakhir apnEy RAb ki neimateiN jhutlaaeiga

(JOSH* MALIHABAADI)

Allah Insaan Sey Fermata Hey

Allah Insaan Sey Fermata Hey

Meri Teraf A Ker To Dekh
Mutawjah Na Hoon To Kehna

Meari Rah Main Chal K To Dekh
Rahain Na Khool Doo To Kehna

Mujh Sey Sawal Ker K Dekh
Bakhshish Ki Had Na Ker Doon To Kehna

Meray Liye Beyqader Ho K To Dekh
Qader Ki Had Na Ker Doon To Kehna

Meray Liye Lut K To Dekh
Rehmat K Khazaney Na Luta Doon To Kehna

Meray Liye Bik K To Dekh
Anmool Na Ker Doo To Kehna

Mujhey Rab Maan K To Dekh
Sab Sey Beyniyaaz Na Kerdoo To Kehna

Meray Khuaf Sey Ansoo To Baha K To Dekh
Maghfirat K Darya Na Bahadoo To Kehna

Wafa Ki Laaj Nibha K To Dekh
Ata Ki Had Na Kerdoon To Kehna

Meray Naam Ki Tazem Ker K To Dekh
Hakim-e-Takreem Ki Inteha Na ker Do To Kehna

Apni Hasti Ko Fana Ker K To Dekh
Jam-e-Baqa Sey Serfaraze Na Kerdoo To Kehna

Mujhey Haieyolkaieyoom Man K To Dekh
Abdi Hayat Ka Ameen Na Banadoon To Kehna

Mera Ho K To Dekh
Her Kisi Ko Tera Na Bana Doon To Kehna

Mera pyaam dahshatgard ke naam

 peace

.

Mera pyaam dahshatgard ke naam

hai na koii tera muzhab aur na koii hai watan
kaun sa muzhab sikhata hai yeh dahshat ka chalan
deeN se tujhko kya Garaz too apni nafrat meN magan
bAAd meN ban na MusamaaN pahle too insaan ban

tujhse dahshatgard deen.e “Mustafa” badnaam hai
such to yeh hai ai bashar too dushman.e Islaam hai

zulm karta hai nihattoN per ibaadat maanker
haaye too haq ke taqazoN se hai kitna beKhabar
kitne mAsoomoN ko mara kar diye barbaad ghar
kya jihad isko hi kahte haiN zara mAlum kar

ho sake to rok dey ab roz ka yeh qatl.e aam
ik nihattay bezarar ki jaan lena hai haraam

too ne dekhi hai kisee maidaaN meN jung-e “Murtaza”?
pahle dushman se yeh kahte thay keh too imaan la
phir yeh kahte thay keh maiN jaata hooN too bhi lauT ja
jung ki ik baar bhee karte nah thay woh ibteda

aise hote haiN musalmaaN aise hota hai jihad
kuch to eemaaN ke taqazoN ko samajh ai namuraad

rakh ke “bum” too bhag jata hai wahaN se beKhatar
teri is Harkat se marte haiN bohat se bezarar
ChithRe ban kar jism insaanon ke jate haiN bikhar
maaN ki aaGoshoN meN mar jate haiN maaoN ke pisar

waah teri jung aur tera yeh andaaz.e jihad
ai sipahee marhaba haq ke mujahid zindabAAd

manta hooN zulm hum per bhi howey haiN behisab
Khood ba Khood hona hai har zalim ko ik din benaqaab
aur bhi Halaat ho jate haiN dahshat se kharaab
ai bashar dahshat nahiN duniya meN dahshat ka jawab

ho sake to baat dahshatgard meri maan le
woh MusalmaN hi nahiN jo bezarar ki jaan ley

(Bezarar means harmless)

Jawaid Badauni
Muscat –Oman

peaceeSyed Mohammad Masoom Abidi

Home