Shahadat’e Ameerul momineen (AS) { 21, Ramzaan }
( Janab Syed Wirasat Ali Rizvi Sahab Marhoom, FIKR* Lucknawi )
Waseeye Mustafa (SAW) ka mominoN ta’aboot jaata hai
hAr ek peer o jawaaN iss gham meiN sar par khaak uRaata hai
yateemaan’e Ali roat’e jo haiN sAr peet kar paihAm
to hAr aaNsu ka qatra arsh ko jumbish meiN laata hai
chaley haiN leike taaboot’e padar Shabbir aUr Shabbar
janaab’e Zainab o Kulsum ko ghash pAr ghash aata hai
hai ek shoar’e qayaamat koochao baazar meiN barpaa
Najaf ki simt Kufa se janaaza Shayh ka jaata hai
idhar Hasnain taaboot’e padar par sUrf’e girya haiN
talaatum hai udhar, Dajla ka paani josh khaata hai
hawaaoN par asar hai yeh gham’e fakhr’e SuleimaaN ka
ke hAr jhoNka bagoola ban ke khaak’e dasht uRaata hai
makeen’e khaanaey Ma’abood uTtha aaj duniya se
yeh sannaata hameiN koofa ki masjid ka bataata hai
hai ek sakt’e ka aalam aaj tak eik eik zarr’e par
dar o diwaar’e Kufa se gham’e shayh uMdaa aata hai
Najaf jaane ki hai aey Fikr* hasrat tO bahot lekin
ziyaarat ho mayassar, deikhiye woh din kab aata hai
Presented By Mirza Jamal Saheb Lucknaw
October 9, 2006 at 8:41 pm
[...] Shahadat’e Ameerul momineen (AS) { 21, Ramzaan } [...]
October 13, 2006 at 11:12 pm
So “Think not of those slain in the way of Allah as dead, Nay, they are living, with the Lord they have provision.”
(Qur’an, 3:169)
ALLAH HUMA LAN QATALAT AMEER UL MOMINEEN a.s
March 7, 2008 at 1:18 am
JAZAK ALLAH
September 22, 2008 at 4:12 pm
duas for u for posting such things i hv read ur previous post regarding imam and the stories you mentioned they were amazing and has revived my childhood memories when i used to read them in books.